விளாத்திகுளத்தில் வீதி வீதியாகச் சென்று வாக்குச் சேகரித்த திமுக வேட்பாளர் மார்கண்டேயன்!

» செய்திகள் - விளையாட்டு » மாவட்ட செய்தி (தூத்துக்குடி)

விளாத்திகுளத்தில் வீதி வீதியாகச் சென்று வாக்குச் சேகரித்த திமுக வேட்பாளர் மார்கண்டேயன்!

வியாழன் 2, ஏப்ரல் 2026 12:12:43 PM (IST)

2026 சட்டமன்றத் தேர்தலை முன்னிட்டு, தூத்துக்குடி மாவட்டம் விளாத்திகுளம் தொகுதியில் திமுக சார்பில் மீண்டும் போட்டியிடும் தற்போதைய சட்டமன்ற உறுப்பினர் மார்கண்டேயன், இன்று தீவிர வாக்குச் சேகரிப்பில் ஈடுபட்டார்.

கடும் வெயிலையும் பொருட்படுத்தாமல் களமிறங்கிய மார்கண்டேயன், மதச்சார்பற்ற முற்போக்குக் கூட்டணிக் கட்சி நிர்வாகிகளுடன் இணைந்து விளாத்திகுளம் மதுரை சாலையில் உள்ள வணிகர்களிடமும், காய்கறி மார்க்கெட்டில் உள்ள வியாபாரிகளிடமும் நேரில் சென்று ஆதரவு திரட்டினார். பொதுமக்களிடம் அரசின் சாதனைகளை எடுத்துக்கூறி, உதயசூரியன் சின்னத்திற்கு வாக்களிக்குமாறு அவர் கேட்டுக்கொண்டார்.

வாக்குச் சேகரிப்பின் போது திமுக மேற்கு ஒன்றியச் செயலாளர் அன்புராஜன், தெற்கு ஒன்றியச் செயலாளர் இம்மானுவேல், பேரூர் கழகச் செயலாளர் வேலுச்சாமி, பேரூராட்சி மன்றத் தலைவர் சூர்யா ஐயன்ராஜ், இந்திய கம்யூனிஸ்ட் கட்சி மாவட்டச் செயற்குழு உறுப்பினர் புவிராஜ், தாலுகாச் செயலாளர் ஜோதி, விடுதலைச் சிறுத்தைகள் கட்சி மாவட்டச் செயலாளர் (விளாத்திகுளம் தொகுதி) சடையாண்டி மற்றும் ஒன்றியச் செயலாளர் சபாபதி உள்ளிட்டோர் உடன் சென்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: