இந்திய அணியிலிருந்து சஞ்சு சாம்சன் அதிரடி நீக்கம் - பிரப்சிம்ரன் சிங்கிற்கு வாய்ப்பு!

» செய்திகள் - விளையாட்டு » விளையாட்டு

இந்திய அணியிலிருந்து சஞ்சு சாம்சன் அதிரடி நீக்கம் - பிரப்சிம்ரன் சிங்கிற்கு வாய்ப்பு!

செவ்வாய் 7, ஜூலை 2026 12:03:26 PM (IST)

ஜிம்பாப்வே அணிக்கு எதிரான டி20 கிரிக்கெட் தொடருக்கான இந்திய அணியில் இருந்து நட்சத்திர வீரர் சஞ்சு சாம்சன் நீக்கப்பட்டுள்ளார்.

நடந்து முடிந்த டி20 உலகக்கோப்பை தொடரில் தொடர்ச்சியாக 3 அரைசதங்கள் அடித்து இந்திய அணிக்கு உலகக்கோப்பையை வென்று கொடுத்த பெருமை சஞ்சு சாம்சனுக்கு உண்டு. எனினும், இதன்பின் இந்திய அணிக்காக ஆடிய 3 போட்டிகளில் சஞ்சு சாம்சனால் போதிய ரன்கள் சேர்க்க முடியவில்லை.

இதன் காரணமாக இங்கிலாந்து அணிக்கு எதிரான 2-வது டி20 போட்டியில் இருந்து அவர் நீக்கப்பட்டு, வைபவ் சூர்யவன்ஷிக்கு வாய்ப்பு வழங்கப்பட்டது. இந்த முடிவால் அதிருப்தியடைந்த சஞ்சு சாம்சன், பயிற்சியாளர் கவுதம் கம்பீரிடம் நேரடியாகவே தனது அதிருப்தியை வெளிப்படுத்திய வீடியோ சமூக வலைதளங்களில் வைரலாகியது. இச்சூழ்நிலையில் தற்போது ஜிம்பாப்வே தொடரிலிருந்தும் அவர் நீக்கப்பட்டுள்ளார்.

ஜிம்பாப்வே தொடருக்கான இந்திய அணியில் இஷான் கிஷன் முதன்மை விக்கெட் கீப்பராகத் தேர்வு செய்யப்பட்டுள்ளார். சஞ்சு சாம்சன் நீக்கப்பட்ட இடத்தில் பிரப்சிம்ரன் சிங் பேக் அப் விக்கெட் கீப்பராகக் கொண்டு வரப்பட்டுள்ளார். இந்திய ஏ அணிக்காக நீண்ட ஆண்டுகளாக விளையாடி வரும் பிரப்சிம்ரன் சிங்கின் கடின உழைப்பிற்கு இந்த வாய்ப்பு வழங்கப்பட்டுள்ளது.

இவரின் தேர்வுக்குப் பின்னணியில் ஐபிஎல் தொடர் முக்கியப் பங்காற்றியுள்ளது. பஞ்சாப் கிங்ஸ் அணியில் உள்ள இளம் வீரர்களை இந்திய அணிக்குள் கொண்டு வருவதன் மூலமாக, அவர்களின் மார்க்கெட் ரேட் உயரும் என்பதும் அணி நிர்வாகங்களின் எதிர்பார்ப்பாக உள்ளது. சஞ்சு சாம்சன் நீக்கம் குறித்து பிசிசிஐ தேர்வுக் குழு விரைவில் அதிகாரப்பூர்வ விளக்கம் அளிக்கும் என எதிர்பார்க்கப்படுகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: