டெஸ்ட், ஒருநாள், டி20 கிரிக்கெட் தரவரிசை: அனைத்திலும் இந்திய அணி முதலிடம்

» செய்திகள் - விளையாட்டு » விளையாட்டு

டெஸ்ட், ஒருநாள், டி20 கிரிக்கெட் தரவரிசை: அனைத்திலும் இந்திய அணி முதலிடம்

திங்கள் 11, மார்ச் 2024 10:55:24 AM (IST)

சர்வதேச கிரிக்கெட் கவுன்சில் (ஐசிசி) வெளியிட்டுள்ள தரவரிசைப் பட்டியலில் இந்திய கிரிக்கெட் அணி டெஸ்ட், ஒருநாள், சர்வதேச டி20 போட்டிகள் என மூன்றிலும் முதலிடம் பிடித்துள்ளது.

அண்மையில் நடைபெற்று முடிந்த இங்கிலாந்துக்கு எதிரான டெஸ்ட் தொடரை இந்திய அணி 4-1 என்ற கணக்கில் வென்றது. இந்நிலையில் ஐசிசி, நேற்று டெஸ்ட் தரவரிசைப் பட்டியலை வெளியிட்டுள்ளது. இதில் இந்திய அணி 122 புள்ளிகளைப் பெற்று முதலிடத்தைப் பிடித்தது.

ஆஸ்திரேலியா 117 புள்ளிகளுடன் 2-வது இடத்திலும், இங்கிலாந்து அணி 111 புள்ளிகளுடன் 3-வது இடத்திலும் உள்ளன. மேலும் இந்திய கிரிக்கெட் அணி டெஸ்ட் சாம்பியன்ஷிப் தரவரிசைப் பட்டியலிலும் முதலிடத்தைப் பெற்றுள்ளது என்பது குறிப்பிடத்தக்கது. அதுமட்டுமல்லாமல் ஒருநாள், சர்வதேச டி20 கிரிக்கெட் போட்டிகள் தரவரிசைப் பட்டியலிலும் இந்திய அணி முதலிடத்தில் உள்ளது.

ஒருநாள் போட்டி தரவரிசைப் பட்டியலில் இந்திய அணி 121 புள்ளிகளுடன் முதலிடத்தைப் பெற்றுள்ளது. இதில் ஆஸ்திரேலிய அணி நெருக்கமாக 118 புள்ளி களுடன் 2-வது இடத்தில் உள்ளது. அதேபோல் சர்வதேச டி20 கிரிக்கெட் போட்டித் தரவரிசையின் அணிப் பிரிவில் 266 புள்ளிகளுடன் முதலிடத்தில் இந்திய அணி உள்ளது. இதில் இங்கிலாந்து அணி 256 புள்ளிகளுடன் 2-வது இடத்தைப் பெற்றுள்ளது.

டெஸ்ட் போட்டிகள் தரவரிசையில் இந்திய அணி கடந்த ஆண்டு செப்டம்பர் முதல் இந்த ஆண்டு ஜனவரி வரை முதலிடத்தில் இருந்தது. ஆனால் தென் ஆப்பிரிக்காவுக்கு எதிரான டெஸ்ட் தொடரை இந்திய அணி சமன் செய்திருந்தது. இதனால் தரவரிசையில் பின்தங்கிவிட்டது. தற்போது இங்கிலாந்துக்கு எதிரான தொடரை வென்றதன் மூலம் இந்திய அணி தரவரிசையில் மீண்டும் முதலிடத்துக்கு முன்னேறியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

டெஸ்ட், ஒருநாள், டி20 கிரிக்கெட் தரவரிசை: அனைத்திலும் இந்திய அணி முதலிடம்

» செய்திகள் - விளையாட்டு » விளையாட்டு