» செய்திகள் - விளையாட்டு » விளையாட்டு
நீச்சல் சாம்பியன்ஷிப் போட்டி: நடிகர் மாதவன் மகன் 5 தங்கம் வென்றார்!
செவ்வாய் 18, ஏப்ரல் 2023 11:38:12 AM (IST)
மலேசியாவில் நடந்த நீச்சல் சாம்பியன்ஷிப் போட்டியில் நடிகர் மாதவன் மகன் வேதாந்த் ஐந்து தங்கம் வென்றார்.
மலேசியா தலைநகர் கோலாலம்பூரில் சர்வதேச நீச்சல் சாம்பியன்ஷிப் நடக்கிறது. இதில் இந்தியா சார்பில் நடிகர் மாதவன் மகன் வேதாந்த் 17, பங்கேற்றார். சிறப்பாக செயல்பட்ட இவர் 50,100, 200, 400, 1500 மீ., போட்டியில் தங்கம் வென்றார்.
இப்புகைப்படத்தை வெளியிட்டுள்ள மாதவன்,' கடவுளின் ஆசியால் எனது மகன் வேதாந்த் 5 தங்கம் வென்றுள்ளான். இதை எண்ணி பெருமை அடைகிறேன்,' என, தெரிவித்துள்ளார். கடந்த ஆண்டு புவனேஸ்வரில் நடந்த தேசிய 'ஜூனியர்' நீச்சல் சாம்பியன்ஷிப்பில் வேதாந்த் தங்கம் வென்றிருந்தார். தற்போது, சர்வதேச அளவிலும் சாதித்துள்ளார்.