கடைசி ஓவரில் 5 சிக்ஸர் விளாசிய ரிங்கு சிங் : கொல்கத்தா அணி த்ரில் வெற்றி!

பின்னர் 205 ரன்கள் எடுத்தால் வெற்றி என்ற இலக்குடன் கொல்கத்தா அணி விளையாடியது. தொடக்க வீரர்கள் ரஹமனுல்லா குர்பாஸ் 15, என்.ஜெகதீசன் 6 ரன்கள் எடுத்து வீழ்ந்தனர். ஆனால் 3-வது விக்கெட்டுக்கு ஜோடி சேர்ந்த வெங்கடேஷ் ஐயரும், கேப்டன் நிதிஷ் ராணாவும் அபாரமாக விளையாடினர். நிதிஷ் ராணா 29 பந்துகளில் 45 ரன்களுக்கு ஆட்டமிழந்தார். சிறப்பாக விளையாடிக் கொண்டிருந்த வெங்கடேஷ் ஐயர் 40 பந்துகளில் 83 ரன்கள் சேர்த்த நிலையில் வீழ்ந்தார்.

15.5 ஓவர்களில் கொல்கத்தா அணி 4 விக்கெட் இழப்புக்கு 154 ரன்கள் என்ற நிலையில் இருந்தது. அப்போது 17-வது ஓவரை வீச வந்த கேப்டன் ரஷித் கான் முதல் 3 பந்துகளில் ஆந்த்ரே ரஸ்ஸல், சுனில் நரைன், ஷர்துல் தாக்குர் ஆகியோரது விக்கெட்களைக் கைப்பற்றி ஹாட்ரிக் சாதனை படைத்தார். இதனால் அந்த அணி 155 ரன்களுக்கு 7 விக்கெட்கள் என்ற மோசமான நிலைக்குத் தள்ளப்பட்டது. ஆனால் 8-வது விக்கெட்டுக்கு ஜோடி சேர்ந்த ரிங்கு சிங்கும், உமேஷ் யாதவும் அபாரமாக விளையாடினர். கடைசி ஓவரில் அந்த அணி வெற்றி பெற 29 ரன்கள் தேவைப்பட்டன. அந்த ஓவரை யஷ் தயாள் வீசினார். முதல் பந்தில் ஒரு ரன் எடுக்கப்பட்டது. அதன் பின்னர் அடுத்த 5 பந்துகளையும் சிக்ஸருக்கு பறக்கவிட்டார் ரிங்கு சிங். இதனால் அந்த அணி 3 விக்கெட் வித்தியாசத்தில் வெற்றி பெற்றது.