தூத்துக்குடி மீன்வளக் கல்லூரியில் ரூ.3 கோடியில் புதிய விடுதி: அமைச்சர் ஸ்ரீநாத் திறந்து வைத்தார்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி மீன்வளக் கல்லூரியில் ரூ.3 கோடியில் புதிய விடுதி: அமைச்சர் ஸ்ரீநாத் திறந்து வைத்தார்!

சனி 1, ஆகஸ்ட் 2026 8:02:19 PM (IST)

தூத்துக்குடி மீன்வளக் கல்லூரி மற்றும் ஆராய்ச்சி நிலைய பணியாளர் குடியிருப்பு வளாகத்தில் ரூ.3 கோடி மதிப்பீட்டில் புதிதாகக் கட்டப்பட்டுள்ள மாணவியர் விடுதி கூடுதல் கட்டடத்தை மீன்வளம் மற்றும் மீனவர் நலத்துறை அமைச்சர் ஆ. ஸ்ரீநாத் திறந்து வைத்தார்.

தமிழ்நாடு டாக்டர் ஜெ.ஜெயலலிதா மீன்வளப் பல்கலைக்கழகத்தின் கீழ் இயங்கும் இக்கல்லூரியில், கடந்த 2017-ஆம் ஆண்டு 33 மாணவியர் தங்கும் வகையில் தரைத்தளத்துடன் விடுதி கட்டப்பட்டது. தற்போது மாணவியர்களின் எண்ணிக்கை உயர்ந்துள்ளதால், கூடுதலாக 80 மாணவியர்கள் தங்குவதற்கு ஏற்ப இந்திய வேளாண் ஆராய்ச்சிக் குழுமத்தின் (ICAR) ரூ.3 கோடி நிதி உதவியுடன் முதல் மற்றும் இரண்டாம் தளங்கள் கட்டப்பட்டுள்ளன.

முதல் தளத்தில் 18 அறைகளும், இரண்டாம் தளத்தில் 7 அறைகளும் என மொத்தம் 25 புதிய அறைகள் கட்டப்பட்டுள்ளன. மாணவியர் தங்கும் அறைகளுடன், அவர்கள் படிப்பதற்கும் விளையாடுவதற்கும் ஏற்பப் பல்நோக்கு அறை ஒன்றும் அமைக்கப்பட்டுள்ளது.

கால்நடை பராமரிப்பு, பால்வளம், மீன்வளம் மற்றும் மீனவர் நலத்துறை அரசுச் செயலாளர் அனுஜார்ஜ் தலைமை வகிக்க, மாவட்ட வருவாய் அலுவலர் மூ. குருச்சந்திரன் முன்னிலையில் இக்கட்டடம் திறந்து வைக்கப்பட்டுப் பார்வையிடப்பட்டது.

இந்நிகழ்ச்சியில் தூத்துக்குடி மாவட்ட கூடுதல் காவல் கண்காணிப்பாளர் சகாயஜோஸ், தூத்துக்குடி மீன்வளம் மற்றும் மீனவர் நலத்துறை உதவி இயக்குநர் கு.அ. புஷ்ரா ஷப்னம் மற்றும் துறை சார்ந்த அரசு அலுவலர்கள் பலர் கலந்துகொண்டனர்.

மக்கள் கருத்து

makkalAug 3, 2026 - 01:35:56 PM | Posted IP 172.7*****

sticker ottu

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: