தமிழகம் வளர்ச்சி பெற்றுத் தலைநிமிர்ந்து நிற்கிறது : அமைச்சர் பெ. கீதாஜீவன் பேச்சு!

» செய்திகள் - விளையாட்டு » மாவட்ட செய்தி (தூத்துக்குடி)

தமிழகம் வளர்ச்சி பெற்றுத் தலைநிமிர்ந்து நிற்கிறது : அமைச்சர் பெ. கீதாஜீவன் பேச்சு!

வெள்ளி 27, மார்ச் 2026 7:53:17 AM (IST)

மத்திய பாஜக அரசின் பாராமுகம் மற்றும் அதிமுகவின் இரட்டை வேடத்தை முறியடிக்க, தமிழகத்தில் மீண்டும் முதல்வர் ஸ்டாலின் தலைமையிலான ஆட்சி தொடர வேண்டும் எனச் சமூக நலன் மற்றும் மகளிர் உரிமைத் துறை அமைச்சர் பெ. கீதாஜீவன் வலியுறுத்தினார்.

தூத்துக்குடி சட்டமன்றத் தொகுதிக்குட்பட்ட சிதம்பர நகர் பகுதியில் மதச்சார்பற்ற முற்போக்குக் கூட்டணியின் தெருமுனைப் பிரச்சாரக் கூட்டம் நடைபெற்றது. மாநகர திமுக செயலாளர் எஸ்.ஆர். ஆனந்தசேகரன் தலைமை வகிக்க, மேயர் என்.பி. ஜெகன் பெரியசாமி மற்றும் காங்கிரஸ் மூத்த தலைவர் ஏ.பி.சி.பி. சண்முகம் ஆகியோர் முன்னிலை வகித்தனர்.

கூட்டத்தில் சிறப்புரையாற்றிய அமைச்சர் பெ. கீதாஜீவன் பேசியதாவது: கடந்த மத்திய பட்ஜெட்டில் தமிழகத்திற்கு ஒரு பைசா கூட ஒதுக்கீடு செய்யாமல் பாஜக அரசு வஞ்சித்துள்ளது. கடந்த 5 ஆண்டுகளில் தமிழகத்தில் மதக் கலவரங்களோ, ஜாதிச் சண்டைகளோ இல்லாத அமைதியான ஆட்சியை முதல்வர் ஸ்டாலின் வழங்கி வருகிறார்.

கல்வி உள்ளிட்ட அனைத்துத் துறைகளிலும் தமிழகம் இன்று வளர்ச்சி பெற்றுத் தலைநிமிர்ந்து நிற்கிறது. தூத்துக்குடியின் அடிப்படை வசதிகள் மேலும் மேம்படவும், மதவாத சக்திகளுக்குப் பாடம் கற்பிக்கவும் பொதுமக்கள் உதயசூரியன் சின்னத்திற்கு வாக்களிக்க வேண்டும் என்றார்.

இந்தக் கூட்டத்தில் திமுக மாவட்டத் துணைச் செயலாளர் ராஜ்மோகன் செல்வின், காங்கிரஸ் முரளிதரன், சிபிஎம் மாநகரச் செயலாளர் எம்.எஸ். முத்து, இ.கம்யூனிஸ்ட் மாடசாமி, தேமுதிக தயாலிங்கம், மதிமுக முருகபூபதி, விசிக விமல் வங்காளியர் மற்றும் மனிதநேய மக்கள் கட்சி, ச.ம.க உள்ளிட்ட கூட்டணிக் கட்சிகளின் நிர்வாகிகள் மற்றும் தொண்டர்கள் பெருமளவில் கலந்து கொண்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: