மக்காச்சோள விலை வீழ்ச்சி: கனிமொழி எம்.பியிடம் விவசாயிகள் முறையீடு

» செய்திகள் - விளையாட்டு » மாவட்ட செய்தி (தூத்துக்குடி)

மக்காச்சோள விலை வீழ்ச்சி: கனிமொழி எம்.பியிடம் விவசாயிகள் முறையீடு - உரிய நடவடிக்கை எடுக்க உறுதி!

சனி 14, மார்ச் 2026 8:20:23 PM (IST)

தூத்துக்குடி மாவட்டத்தில் மக்காச்சோளத்திற்கு போதிய விலை கிடைக்காமல் நஷ்டத்தைச் சந்தித்து வரும் விவசாயிகள், இது தொடர்பாகத் தூத்துக்குடி நாடாளுமன்ற உறுப்பினர் கனிமொழி கருணாநிதியை நேரில் சந்தித்து கோரிக்கை மனு அளித்தனர்.

தமிழ் விவசாயிகள் சங்கத்தின் தூத்துக்குடி மாவட்டக் கிளை சார்பில் இன்று மதியம் 12 மணியளவில் நடைபெற்ற இந்தச் சந்திப்பில், விவசாயிகள் தங்கள் நிலையை எடுத்துக் கூறினர். தற்போது மாவட்டத்தில் மக்காச்சோள அறுவடைப் பணிகள் தீவிரமாக நடைபெற்று வருகின்றன. இரண்டு மாதங்களுக்கு முன்பு ஒரு குவிண்டால் மக்காச்சோளம் ரூ. 2,400 என்ற விலையில் விற்பனையானது.

ஆனால், தற்போது அறுவடை சமயத்தில் வியாபாரிகள் சிண்டிகேட் அமைத்து விலையைத் தலைகீழாகக் குறைத்து, ஒரு குவிண்டால் ரூ. 1,600 என்ற மிகக் குறைந்த விலைக்கு (அடிமாட்டு விலை) விவசாயிகளிடம் இருந்து கொள்முதல் செய்கின்றனர். இதனால் விவசாயிகளுக்குக் கடுமையான பொருளாதார நஷ்டம் ஏற்பட்டுள்ளதாக அவர்கள் கவலை தெரிவித்தனர்.

விவசாயிகளின் கோரிக்கைகளைப் பொறுமையுடன் கேட்டறிந்த கனிமொழி எம்.பி., இதற்கு உடனடியாகத் தீர்வு காண நடவடிக்கை எடுப்பதாக உறுதியளித்தார். "இன்னும் இரண்டு தினங்களில் மத்திய கமிட்டியிடம் இது குறித்துப் பேசி, குறைந்தபட்ச ஆதரவு விலையை (MSP) உயர்த்தி வழங்கவும், விவசாயிகளுக்குச் சாதகமான விலையைப் பெற்றுத் தரவும் உரிய நடவடிக்கை எடுக்கப்படும்,"

என்று அவர் விவசாயிகளிடம் உறுதி கூறினார். இந்த நடவடிக்கை எடுக்கப்பட்டால், நஷ்டத்தில் தவிக்கும் ஆயிரக்கணக்கான மக்காச்சோள விவசாயிகளுக்குப் பெரும் நன்மையாக அமையும். இந்தச் சந்திப்பின் போது தமிழ் விவசாயிகள் சங்க மாநிலத் தலைவர் ஓ.ஏ. நாராயணசாமி, மாவட்டத் தலைவர் நடராஜன் மற்றும் சங்க நிர்வாகிகள், ஏராளமான விவசாயிகள் உடனிருந்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: