மின்சாரம் தாக்கி 3 பசு மாடுகள் உயிரிழப்பு!

» செய்திகள் - விளையாட்டு » மாவட்ட செய்தி (தூத்துக்குடி)

மின்சாரம் தாக்கி 3 பசு மாடுகள் உயிரிழப்பு!

வியாழன் 12, மார்ச் 2026 7:58:22 AM (IST)

திருச்செந்தூர் அருகே மின்கசிவு காரணமாக மின்மாற்றிக்கு அருகில் மேய்ந்து கொண்டிருந்த மூன்று பசு மாடுகள் மின்சாரம் தாக்கி சம்பவ இடத்திலேயே உயிரிழந்தன.

தூத்துக்குடி மாவட்டம், திருச்செந்தூர் மற்றும் அதன் சுற்றுவட்டாரப் பகுதிகளில் நேற்று அதிகாலை முதல் காலை 11 மணி வரை பரவலாக மழை பெய்தது. மழையின் காரணமாகத் தாழ்வான பகுதிகளில் தண்ணீர் தேங்கியதுடன், மின்சாரக் கட்டமைப்புகளிலும் ஈரப்பதம் காணப்பட்டது.

திருச்செந்தூர் அருகே உள்ள கீழநாலுமூலைக்கிணறு பகுதியைச் சேர்ந்த ராஜ் மற்றும் முருகேசன் ஆகியோருக்குச் சொந்தமான பசு மாடுகள் நேற்று வழக்கம்போல மேய்ச்சலுக்குச் சென்றன. அப்போது, சாலையோரத்தில் இருந்த மின்மாற்றியில் எதிர்பாராதவிதமாக மின்கசிவு ஏற்பட்டிருந்தது.

அப்பகுதியில் மேய்ந்து கொண்டிருந்த மூன்று பசு மாடுகள் மின்மாற்றிக்கு அருகில் சென்றபோது, அவற்றின் மீது மின்சாரம் பாய்ந்தது. இதில் தூக்கி வீசப்பட்ட மூன்று மாடுகளும் சம்பவ இடத்திலேயே துடிதுடித்து உயிரிழந்தன.

இது குறித்துத் தகவல் அறிந்ததும் மின்வாரிய ஊழியர்கள் உடனடியாக அப்பகுதிக்கு வந்து மின் இணைப்பைத் துண்டித்தனர். பின்னர் உயிரிழந்த மாடுகள் அங்கிருந்து அப்புறப்படுத்தப்பட்டன. இச்சம்பவம் குறித்துத் திருச்செந்தூர் தாலுகா போலீசார் வழக்குப் பதிவு செய்து விசாரணை நடத்தி வருகின்றனர். வளர்ப்பு மாடுகள் மின்சாரம் தாக்கி பலியான சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளது.

இதற்கிடையே, உயிரிழந்த பசு மாடுகளே தங்களது வாழ்வாதாரமாக இருந்ததாகக் கூறி, பாதிக்கப்பட்ட ராஜ் மற்றும் முருகேசன் வேதனை தெரிவித்துள்ளனர். "மழையினால் ஏற்பட்ட மின்கசிவை முறையாகக் கவனிக்காததே இந்த விபத்திற்குக் காரணம். எனவே, மின்வாரியம் மற்றும் அரசு சார்பில் எங்களுக்கு உரிய நிவாரணத் தொகையை உடனடியாக வழங்க வேண்டும்," என அவர்கள் வலியுறுத்தியுள்ளனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: