தூத்துக்குடி மாவட்ட ஆட்சியர் அலுவலகத்தில் மக்கள் குறைதீர்க்கும் நாள் கூட்டம்

தூத்துக்குடி மாவட்ட ஆட்சியர் அலுவலகத்தில் இன்று (திங்கட்கிழமை) வாராந்திர மக்கள் குறைதீர்க்கும் நாள் கூட்டம் நடைபெற்றது. 

இந்தக் கூட்டத்தில் மாவட்டத்தின் பல்வேறு பகுதிகளிலிருந்து வந்திருந்த ஏராளமான பொதுமக்கள் தங்களின் வாழ்வாதாரம் மற்றும் அடிப்படை வசதிகள் குறித்த மனுக்களை அதிகாரிகளிடம் வழங்கினர். மாவட்ட வருவாய் அலுவலர் ஆ. ரவிச்சந்திரன், பொதுமக்களிடம் மனுக்களை பெற்றார். மேலும் மாற்றுத்திறனாளிகளிடம் நேரில் சென்று அவர்களின் கோரிக்கை மனுக்களைப் பெற்றுக்கொண்டார்.  பெறப்பட்ட மனுக்களில் உள்ள குறைகளைக் கேட்டறிந்த அவர், தகுதியுடைய மனுக்கள் மீது உடனடியாக நடவடிக்கை எடுக்க சம்பந்தப்பட்ட துறை அலுவலர்களுக்கு உத்தரவிட்டார்