குடும்பத் தகராறில் இளம்பெண் தற்கொலை: கோட்டாட்சியர் விசாரணை

» செய்திகள் - விளையாட்டு » மாவட்ட செய்தி (தூத்துக்குடி)

குடும்பத் தகராறில் இளம்பெண் தற்கொலை: கோட்டாட்சியர் விசாரணை

வெள்ளி 13, பிப்ரவரி 2026 10:57:27 AM (IST)

சாத்தான்குளத்தில் குடும்பத் தகராறு காரணமாக இளம்பெண் தற்கொலை செய்து கொண்டது தொடர்பாக ஆர்.டி.ஓ விசாரணை விசாரணை நடத்தி வருகிறார்.

தூத்துக்குடி மாவட்டம் சாத்தான்குளம் பத்திரகாளியம்மன் கோவில் தெருவைச் சேர்ந்தவர் கதிர்வேல். இவருடைய மனைவி அழகு பார்வதி (28). இவர்களுக்குத் திருமணமாகி 3 ஆண்டுகள் ஆகின்றன. அழகு பார்வதி தனது கணவர் மற்றும் மாமனார், மாமியாருடன் ஒரே வீட்டில் வசித்து வந்தார்.

கடந்த 6-ம் தேதி, மாமியாருக்கும் அழகு பார்வதிக்கும் இடையே கருத்து வேறுபாடு காரணமாகத் தகராறு ஏற்பட்டதாகக் கூறப்படுகிறது. இதில் மனமுடைந்த அழகு பார்வதி, தனது படுக்கை அறையில் மின் விசிறியில் தூக்கிட்டுத் தற்கொலைக்கு முயன்றார். இதனைப் பார்த்து அதிர்ச்சியடைந்த குடும்பத்தினர், அவரை மீட்டு உடனடியாகப் பகுதியில் உள்ள தனியார் மருத்துவமனையில் முதலுதவி சிகிச்சைக்காகச் சேர்த்தனர்.

பின்னர் மேல் சிகிச்சைக்காகச் சாத்தான்குளம் அரசு மருத்துவமனைக்கும், அங்கிருந்து திருநெல்வேலி அரசு மருத்துவக் கல்லூரி மருத்துவமனைக்கும் அவர் கொண்டு செல்லப்பட்டார். அங்கு தீவிர சிகிச்சை அளிக்கப்பட்டு வந்த நிலையில், சிகிச்சை பலனின்றி நேற்று அழகு பார்வதி பரிதாபமாக உயிரிழந்தார்.

இந்தச் சம்பவம் குறித்துச் சாத்தான்குளம் காவல் நிலையப் போலீசார் வழக்குப் பதிவு செய்து விசாரணை நடத்தி வருகின்றனர். உயிரிழந்த அழகு பார்வதிக்குத் திருமணமாகி மூன்று ஆண்டுகளே ஆவதால், வரதட்சணை கொடுமை அல்லது வேறு ஏதேனும் காரணங்கள் உள்ளனவா என்ற கோணத்தில் வருவாய் கோட்டாட்சியர் தீவிர விசாரணை மேற்கொண்டு வருகிறார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: