தூத்துக்குடி வ.உ. சிதம்பரனார் துறைமுகம் புதிய மைல் கல்: ஐஜிபிசி சான்றிதழ்கள் பெற்று சாதனை!!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி வ.உ. சிதம்பரனார் துறைமுகம் புதிய மைல் கல்: ஐஜிபிசி சான்றிதழ்கள் பெற்று சாதனை!!

புதன் 11, பிப்ரவரி 2026 8:27:11 PM (IST)

தூத்துக்குடி வ.உ.சிதம்பரனார் துறைமுக ஆணையம் இந்திய பசுமை கட்டிட கவுன்சிலின் (IGBC) பிளாட்டினம் மதிப்பீட்டைப் பெற்ற இந்தியாவின் முதல் துறைமுகம் என்ற பெருமையை பெற்றுள்ளது.

தூத்துக்குடி வ.உ.சிதம்பரனார் துறைமுக ஆணையம், இந்திய பசுமை கட்டிட கவுன்சிலின் (IGBC) மிக உயர்ந்த 'பிளாட்டினம்' மதிப்பீட்டைப் பெற்ற இந்தியாவின் முதல் துறைமுகமாக உருவெடுத்துள்ளது. மத்திய அரசின் ‘கடற்சார் தொலைநோக்கு பார்வை 2030’ திட்டத்தின் கீழ் இச்சாதனை எட்டப்பட்டுள்ளது.

துறைமுக நிர்வாகக் கட்டிடம் 100% புதுப்பிக்கத்தக்க ஆற்றலில் இயங்குகிறது, இதில் 89% சூரிய சக்தி மூலம் அங்கேயே உற்பத்தி செய்யப்படுகிறது. வெப்பத்தைப் பிரதிபலிக்கும் கூரை பூச்சுகள் மற்றும் சூரிய மின்பலகைகள் மூலம் மின் பயன்பாடு குறைக்கப்படுகிறது. மழைநீர் சேகரிப்பு மற்றும் மறுசுழற்சி மூலம் நீர் பயன்பாடு 37% குறைக்கப்பட்டுள்ளது.

BEE அமைப்பின் 'ஷூன்யா' (நிர்வாகக் கட்டிடம், விருந்தினர் இல்லம்) மற்றும் 'ஷூன்யா பிளஸ்' (மருத்துவமனை, குடியிருப்பு) சான்றிதழ்களை இத்துறைமுகம் பெற்றுள்ளது. 70% பசுமைப் பரப்புடன் , மாற்றுத் திறனாளிகளுக்கான பிரெயில் மின்தூக்கி மற்றும் சிறப்புச் சரிவுப் பாதைகள் அமைக்கப்பட்டுள்ளன.

இது குறித்து வ.உ.சிதம்பரனார் துறைமுக ஆணையத் தலைவர் சுசந்த குமார் புரோஹித் கூறுகையில், "பாரதப் பிரதமர் அவர்களின் 'இந்திய கடற்சார் தொலைநோக்கு பார்வை 2030' மற்றும் 'ஹரித் சாகர்' வழிகாட்டுதல்களின்படி இத்துறைமுகம் செயல்பட்டு வருகிறது. IGBC பிளாட்டினம் மற்றும் BEE சான்றிதழ்களை ஒருங்கிணைந்து பெறும் நாட்டின் முதல் துறைமுகம் இது என்பது எங்களுக்குப் பெருமை அளிக்கிறது," எனத் தெரிவித்தார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: