மீனவ இளைஞர்களுக்கு கடற்படையில் சேர இலவசப் பயிற்சி: பிப்.15-க்குள் விண்ணப்பிக்க அழைப்பு

» செய்திகள் - விளையாட்டு » மாவட்ட செய்தி (தூத்துக்குடி)

மீனவ இளைஞர்களுக்கு கடற்படையில் சேர இலவசப் பயிற்சி: பிப்.15-க்குள் விண்ணப்பிக்க அழைப்பு

திங்கள் 9, பிப்ரவரி 2026 12:27:30 PM (IST)

கடற்படை, கடலோர காவல்படையில் சேர மீனவர்களின் வாரிசுகளுக்கு இலவச பயிற்சி அளிக்கப்பட உள்ளது.

இந்திய கடற்படை (மாலுமி) மற்றும் கடலோர காவல்படை (நேவிக்) போன்ற பாதுகாப்புத் துறைகளில் மீனவ இளைஞர்கள் சேர்வதற்காக தமிழ்நாடு அரசின் கடலோர பாதுகாப்பு குழுமம் சார்பில் சிறப்புப் பயிற்சித் திட்டம் குறித்த அறிவிப்பு வெளியாகியுள்ளது.

இந்தத் தீவிரப் பயிற்சி முற்றிலும் இலவசமாக அளிக்கப்படுகிறது. பயிற்சி காலத்தில் தங்குமிடம், உணவு மற்றும் பயிற்சிக்குத் தேவையான உபகரணங்கள் இலவசமாக வழங்கப்படும். பயிற்சியில் தேர்வு செய்யப்படும் இளைஞர்களுக்கு மாதம் ரூ. 1,000/- உதவித்தொகை வழங்கப்படும்.

விண்ணப்பதாரர்கள் 12-ஆம் வகுப்பில் இயற்பியல் (Physics) மற்றும் கணிதம் (Maths) பாடப்பிரிவுகளில் குறைந்தபட்சம் 50% மதிப்பெண்கள் பெற்றிருக்க வேண்டும். விண்ணப்பதாரர்கள் மீனவர் வாரிசுகளாக இருக்க வேண்டும். இதற்கான விண்ணப்பப் படிவங்களை அனைத்து கடல் காவல் நிலையங்களிலும் பெற்றுக் கொள்ளலாம்.

ஆன்லைனில் பதிவிறக்கம் செய்ய விரும்புவோர் https://drive.google.com/drive/folders/1xpDTbdGTUMvoJjcALOKw6lwiWHZ

mGj3b?usp=sharing என்ற கூகுள் டிரைவ் லிங்க்-ஐ தொடர்பு கொள்ளலாம். பூர்த்தி செய்யப்பட்ட விண்ணப்பங்களைச் சமர்ப்பிக்க வேண்டிய கடைசி நாள் 15.02.2026 ஆகும்.

பூர்த்தி செய்யப்பட்ட படிவங்களை அந்தந்தப் பகுதியில் உள்ள கடல் காவல் நிலையங்கள் அல்லது காவல் ஆய்வாளர் அலுவலகம், கடலோர பாதுகாப்பு குழுமம், கோரம்பள்ளம், தூத்துக்குடி என்ற முகவரியில் வழங்கலாம் என தூத்துக்குடி கடலோர பாதுகாப்பு குழும ஆய்வாளர் தெரிவித்துள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: