தூத்துக்குடியில் தடுப்பு காவல் சட்டத்தில் 2பேர் கைது!

தூத்துக்குடி அனைத்து மகளிர் காவல் நிலைய  வழக்குகளில் சம்பந்தப்பட்ட இருவர் இன்று தடுப்பு காவல் சட்டத்தின் கீழ் கைது செய்யப்பட்டனர்.

தூத்துக்குடி அனைத்து மகளிர் காவல் நிலைய பாலியல் வன்கொடுமை வழக்கில் சம்பந்தப்பட்ட தூத்துக்குடியைச் சேர்ந்த விஜயகுமார் (26)  மற்றும் அனைத்து மகளிர் காவல் நிலைய மற்றொரு போக்சோ வழக்கில் சம்பந்தப்பட்ட இசக்கிமுத்து (45) ஆகிய இருவர் மீது தமிழ்நாடு தடுப்பு காவல் சட்டத்தின் (1982) கீழ் நடவடிக்கை எடுக்க தூத்துக்குடி அனைத்து மகளிர் காவல் நிலைய ஆய்வாளர்  சொர்ணராணி மாவட்ட காவல் கண்காணிப்பாளர் அவர்களுக்கு வேண்டுகோள் விடுத்தார்.

அதன்பேரில் மாவட்ட காவல் கண்காணிப்பாளர் நை. சிலம்பரசன் பரிந்துரையின்படி மாவட்ட ஆட்சித் தலைவர் உத்தரவின் பேரில் மேற்படி  2 பேரையும் இன்று (08.02.2026) தூத்துக்குடி அனைத்து மகளிர் காவல் நிலைய போலீசார் தமிழ்நாடு தடுப்பு காவல் சட்டத்தின் கீழ் பாளையங்கோட்டை மத்திய சிறையில் அடைத்தனர்.