நாசரேத் மர்காஷிஸ் பள்ளியில் கிறிஸ்மஸ் ஈகை விழா: மாணவர்களுக்கு நலத்திட்ட உதவிகள் வழங்கல்!!

நாசரேத் மர்காஷிஸ் மேல்நிலைப் பள்ளியில் நடைபெற்ற கிறிஸ்துமஸ் ஈகை விழாவில் மாணவர்களுக்கு நலத்திட்ட உதவிகள் வழங்கப்பட்டது.

தூத்துக்குடி மாவட்டம் நாசரேத் மர்காஷிஸ் மேல்நிலைப்பள்ளியில் கிறிஸ்மஸ் ஈகை விழா நடைபெற்றது. விழாவிற்கு பள்ளி தலைமையாசிரியர் குணசீலராஜ் தலைமை தாங்கினார். நாசரேத் தூய யோவான் பேராலய உதவி குரு தனசேகர் ராஜா ஆரம்ப ஜெபம் செய்து கிறிஸ்மஸ் செய்தி வழங்கினார். பாடகர் குழுவினர் கிறிஸ்மஸ் பாடல்களைப் பாடினர். கிறிஸ்து பிறப்பை தெரிவிக்கும் வண்ணம் வேத பாடங்கள் வாசிக்கப்பட்டன. மாணவர்களின் கிறிஸ்மஸ் கலை நிகழ்ச்சிகள் நடைபெற்றது.கிறிஸ்து பிறந்த முன்னனை காட்சியினை தத்ரூபமாக மாணவர்கள் நடித்து காண்பித்தனர்.

தொடர்ந்து ஒவ்வொரு வகுப்பிலும் பொருளாதாரத்தில் பின் தங்கிய மாணவர்கள் தேர்ந்தெடுக்கப்பட்டு, பள்ளி ஆசிரியர்கள், முன்னாள் ஆசிரியர்கள், பள்ளியின் முன்னாள் மாணவர்களின் சார்பில் கிறிஸ்மஸ் புத்தாடைகள் வழங்கப்பட்டது. பின்னர் அனைத்து மாணவர்களுக்கும் மதிய விருந்தும், கிறிஸ்மஸ் கேக்குகளும் கொடுக்கப்பட்டது. நிறைவாக தமிழ் ஆசிரியர் வின்ஸ்டன் ஜோஸ்வா ஜெபம் செய்தார்.தமிழ் ஆசிரியர் அம்புரோஸ் நிகழ்ச்சியை தொகுத்து வழங்கினார்.

இவ்விழாவிற்கான ஏற்பாடுகளை, உதவி தலைமை ஆசிரியர் சார்லஸ் திரவியம், இயற்பியல் ஆசிரியர் ஜெர்சோம் ஜெபராஜ், அறிவியல் ஆசிரியை ஜெயந்தி சுபாஷினி, ஓவிய ஆசிரியர் அலெக்சன் கிறிஸ்டோபர், தொழிற்கல்வி ஆசிரியர்கள் ஜேசன் சாமுவேல் மற்றும் ஜெய்சன் பாபு, தேசிய மாணவர் படை அலுவலர் சுஜித் செல்வ சுந்தர், மற்றும் ஆசிரியர்கள், ஆசிரியைகள் அலுவலகப் பணியாளர்கள் செய்திருந்தனர்.