தூத்துக்குடியில் பள்ளி அருகே ரவுண்டானா பணியை விரைவு படுத்த வேண்டும்: சிபிஎம் வலியுறுத்தல்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் பள்ளி அருகே ரவுண்டானா பணியை விரைவு படுத்த வேண்டும்: சிபிஎம் வலியுறுத்தல்!

சனி 7, ஜூன் 2025 12:50:23 PM (IST)

தூத்துக்குடியில் செயின்ட் தாமஸ் பள்ளி அருகே ரவுண்டானா அமைக்கும் பணியை விரைவு படுத்த வேண்டும் என்று மார்க்சிஸ்ட் கம்யூனிஸ்ட் வலியுறுத்தியுள்ளது.

இது தொடர்பாக மார்க்சிஸ்ட் கம்யூனிஸ்ட் மாநகர செயலாளர் எம்.எஸ். முத்து விடுத்துள்ள அறிக்கையில், "தூத்துக்குடி பிரதான சாலை அதாவது ECR இணைப்பு சாலையில் செயின்ட் தாமஸ் பள்ளி அருகே ரவுண்டா அமைக்கப்பட்டு வருகிறது. அந்த சாலையில் போக்குவரத்து நெருக்கடி உள்ள பகுதியாகும். மேலும் பள்ளிகள் நிறைந்த பகுதி, பள்ளி மாணவர்கள் அதிகம் பேர் சைக்கிள்களில் சென்று வருகின்றனர்.

மேலும் தூத்துக்குடி நகரையும் ECR சாலையையும் இணைப்பதால் பேருந்துகள் மற்றும் கார்கள் அதிகமான செல்கின்றன. இந்நிலையில் ரவுண்டானா அமைக்கும் பணியில் தொய்வு ஏற்பட்டுள்ளது. சரள் விரிக்கப்பட்டு நீண்ட நாட்களாகியும் பணிகள் முடிக்கப்படாமல் வாகனங்கள் செல்லும் போது புழுதி கிளம்பி சுவாசப் பிரச்சனை ஏற்படுவதோடு விபத்தும் ஏற்படும் நிலை உள்ளது.

மேலும் ரவுண்டானாவின் விட்டத்தை சிறிது குறைத்தால் நல்லது. எனவே நெடுஞ்சாலைத்துறை ரவுண்டானா அமைக்கும் பணியை விரைந்து முடிக்க வேண்டுமென தூத்துக்குடி மார்க்சிஸ்ட் கம்யூனிஸ்ட் மாநகரக்குழு வலியுறுத்தியுள்ளார்.

மக்கள் கருத்து

அந்தோணிசாமிJun 7, 2025 - 08:19:44 PM | Posted IP 172.7*****

அவர் சொல்வது போல் ரவுண்டானாவிட்டத்தை சற்று குறைக்கத்தான் வேண்டும் அப்பொழுதுதான் கார் பஸ் எல்லாம் திருப்ப முடியும் நன்றி

பாண்டியராஜன் கு. சிவகாசி (பாரைப்பட்டி)Jun 7, 2025 - 02:12:54 PM | Posted IP 172.7*****

இதுபோன்ற நடவடிக்கைகளை அனைத்து நகரங்களிலும் அந்தந்த நகராட்சி நிர்வாகம் செய்தால் மக்கள் அனைவரும் மகிழ்ச்சி அடைவார்கள்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: