முத்துநகர் ரயிலில் வட மாநிலத்தவர் அட்டகாசம் : முன்பதிவு பயணிகள் அவதி!

முன்பதிவு செய்த இருக்கையில் இருந்து செல்லுமாறு கூறியுள்ளனர். குடிபோதையில் இருந்த வட மாநிலத்தவர்கள் நகரவில்லை. இதனையடுத்து டிக்கெட் பரிசோதகர் வந்து எழுந்திருக்குமாறு கூறியுள்ளார். ஆனால், அதில் ஒருவர் மட்டும் சீட்டிலிருந்து எழுந்திருக்காமல் தகராறு செய்துள்ளார். இந்த விபரத்தை தூத்துக்குடியில் உறவினர்களுக்கு தெரிவித்துள்ளனர்.

அவர்கள் உடனடியாக இரயில் பொது வணிகப் பிரிவிற்கு தகவல் கொடுத்தனர். இதனையடுத்து விழுப்புரத்தில் இரயில்வே போலீசார் வந்து வட மாநில வாலிபரை கவனித்து விசாரித்ததில் டிக்கெட் இல்லாமலே பயணம் செய்தது தெரியவந்தது. தூத்துக்குடி முத்துநகர் இரயிலில் சமீப காலமாக முன்பதிவு பயணிகளுக்கு தொல்லை கொடுத்து வரும் வட மாநிலத்தவரை, ரயிலில் பயணிகள் பாதுகாப்புக்காக வரும் இரயில்வே போலீசாரும், டிக்கெட் பரிசோதகரும் கண்டு கொள்வதில்லை. இதனால் இரயில் பயணம் செய்யும் முதியவர்கள், பெண்கள், தனியாக செல்லும் பெண்களின் பாதுகாப்பு கேள்விக்குறியாகியுள்ளது.