சேறும் சகதியுமாக நாசரேத் சாலைகள் : ஆட்சியர் நடவடிக்கை எடுக்க பொதுமக்கள் கோரிக்கை!

» செய்திகள் - விளையாட்டு » மாவட்ட செய்தி (தூத்துக்குடி)

சேறும் சகதியுமாக நாசரேத் சாலைகள் : ஆட்சியர் நடவடிக்கை எடுக்க பொதுமக்கள் கோரிக்கை!

திங்கள் 27, நவம்பர் 2023 12:04:21 PM (IST)

நாசரேத்தில் சேறும் சகதியுமாக உள்ள சாலையை சீரமைக்க நடவடிக்கை எடுக்க வேண்டும் என்று தூத்துக்குடி மாவட்ட ஆட்சியருக்கு பொதுமக்கள் கோரிக்கை விடுத்துள்ளனர்.

தூத்துக்குடி மாவட்டம் நாசரேத் பேரூராட்சி வார்டு எண்18 இல் சேத்திரபாலன் தெருவில் பல ஆண்டுகளாகியும் இது வரை ரோடு போடவில்லை. பிள்ளையன்மனை கிராம மக்கள் மர்காஷியஸ் பள்ளி மாணவர்கள், நாசரேத் கைத்தொழில் பாடசாலையில் படிக்கும் மாணவர்கள் அனைவரும் சேத்திரபாலன் தெரு வழியாகத்தான் செல்ல வேண்டும்.

அதுபோல செல்வாய்கிழமை வாரச் சந்தைக்கு செல்லும் பிள்ளையன்மனை பகுதி மக்கள் மாதாவனம்,சேத்திரபாலன் தெரு வழியாகத்தான் செல்ல வேண்டும்.ஆனால் பல ஆண்டுகளாகியும் சேத்திர பாலன் தெருவில் பேரூராட்சிக்கு சொந்தமான பாதையில் எதற்காக ரோடு போடவில்லை என்பது தெரியவில்லை.உடனே ரோடு வசதி அமைத்து தரும்படி இப்பகுதி மக்கள் கேட்டுக் கொண்டுள்ளனர்.

மேலும் ஓய்.எம்.சி.ஏ. சதுக்கம், திரவியபுரம், திருமறையூர், தூய யோவான் பெண்கள் மேல்நிலை, ஆசிரியர் பயிற்சி பள்ளி மாணவ, மாணவிகள் சேத்திரபாலன் தெரு வழியாக தான் செல்வார்கள். ஆனால் பல ஆண்டுகளாக இந்நாள் வரை சேத்திரபாலன் தெரு பேருராட்சிக்கு சொந்தமான இடத்தில் ரோடு போடவில்லை. உடனே நடவடிக்கை எடுத்து ரோடு வசதி அமைத்து தருமாறு பொதுமக்கள் கேட்டுக் கொண்டுள்ளனர்.

மேலும் நாசரேத் மர்காஷிஸ் கல்லூரிக்கு செல்லும் கல்லூரி மாணவிகள் நாசரேத் சேத்திரபாலன் தெரு வழியாத்தான் செல்வார்கள்.ஆனால் இந்த தெருவை சீரமைக்க பல ஆண்டுகளாக மனு கொடுத்தும் இந்நாள் வரை சாலை வசதி செய்து கொடுக்கவில்லை. பொதுமக்கள், மாணவர்கள் நலனை கருத்திற்க கொண்டு சாலையை சீரமைக்க உடனடி நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: