» செய்திகள் - விளையாட்டு » இந்தியா
இந்தியா மிகப்பெரிய பொருளாதார நாடாக மாறும்: பிரதமர் மோடி உறுதி
வெள்ளி 8, டிசம்பர் 2023 5:46:38 PM (IST)
நான் 3வது முறையாக பிரதமர் பதவியில் இருக்கும் போது, இந்தியா நிச்சயம் , உலகின் மிகப்பெரிய பொருளாதார நாடுகளில் 3வது இடத்தில் இருக்கும் என்று பிரதமர் மோடி கூறியுள்ளார்.
உத்தரகண்ட் மாநிலத்தில் நடந்த சர்வதேச முதலீட்டாளர் மாநாட்டில் பிரதமர் மோடி பேசியதாவது: கடந்த சில ஆண்டுகளில் இந்தியா சிறப்பான வளர்ச்சி பெற்றுள்ளது. ஒரு காலத்தில் மக்களின் உரிமை பறிக்கப்பட்டது. ஆனால், தற்போது, அரசின் முயற்சிகள் மக்களை சென்றடைந்துள்ளன.
5 ஆண்டுகளில் 13 கோடி பேர் வறுமையில் இருந்து மீண்டுள்ளனர். இவை பொருளாதாரத்திற்கு ஊக்கம் அளித்துள்ளது. இன்று நாட்டில் நுகர்வு சார்ந்த பொருளாதாரம் தொடர்ந்து அதிகரித்து வருகிறது. நான் 3வது முறையாக பிரதமர் பதவியில் இருக்கும் போது, உலகளவில் முதல் 3 பொருளாதாரங்களில் இந்தியா நிச்சயம் இடம்பெற்று இருக்கும் என பிரதமர் மோடி பேசினார்.