தூத்துக்குடி சிவன் கோவிலில் மார்ச் 6-ல் சனிப்பெயர்ச்சி விழா: பரிகார பூஜைகளுக்கு ஏற்பாடு

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி சிவன் கோவிலில் மார்ச் 6-ல் சனிப்பெயர்ச்சி விழா: பரிகார பூஜைகளுக்கு ஏற்பாடு

புதன் 4, மார்ச் 2026 12:55:26 PM (IST)

தூத்துக்குடியில் அமைந்துள்ள அருள்மிகு ஸ்ரீ பாகம்பிரியாள் உடனுறை அருள்மிகு ஸ்ரீ சங்கர ராமேஸ்வரர் திருக்கோவிலில், வரும் 6ஆம் தேதி (வெள்ளிக்கிழமை) அன்று சனிப்பெயர்ச்சி விழா மிக விமர்சையாக நடைபெற உள்ளது.

மங்களகரமான மாசி மாதம் 22-ம் தேதி (06.03.2026) வெள்ளிக்கிழமை காலை 8.24 மணிக்கு, ஸ்ரீ சனிபகவான் கும்ப ராசியிலிருந்து மீன ராசிக்கு பிரவேசிக்கிறார். வாக்கிய பஞ்சாங்கப்படி நிகழும் இந்த இடப்பெயர்ச்சியை முன்னிட்டு திருக்கோவிலில் சிறப்பு யாகசாலை பூஜைகளும், அபிஷேகங்களும் நடைபெறவுள்ளன. காலை 6.00 மணிக்கு நவக்கிரக ஹோமம், காலை 7.00 மணிக்கு நவக்கிரகங்களுக்கு சிறப்பு அபிஷேகம், காலை 8.24 மணிக்கு மஹா தீபாராதனை (சனிப்பெயர்ச்சி சமயம்) நடைபெறுகிறது.

இந்த சனிப்பெயர்ச்சியால் மீன ராசிக்கு ஜென்ம சனியும், கும்ப ராசிக்கு பாத சனியும், மேஷ ராசிக்கு விரய சனியும் தொடங்குவதால், மீனம், மேஷம், சிம்மம், கன்னி, விருச்சிகம், தனுசு, மற்றும் கும்ப ராசிக்காரர்கள் பரிகாரம் செய்துகொள்வது அவசியமென தெரிவிக்கப்பட்டுள்ளது. பரிகாரம் செய்ய வேண்டிய பக்தர்கள் தேங்காய், நல்லெண்ணெய், கருப்பு வஸ்திரம் ஆகியவற்றை கொண்டு வரலாம். அர்ச்சனை சீட்டு பெற்று எள் எண்ணெய் தீபம் ஏற்றி வழிபடக் கேட்டுக் கொள்ளப்படுகிறார்கள். விழாவிற்கான ஏற்பாடுகளைத் திருக்கோவில் அறங்காவலர் குழு மற்றும் நிர்வாகத்தினர் செய்து வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: