ஜன​நாயகன் படத்தை தியேட்டருக்கு சென்று பாருங்​கள் : சிவகார்த்திகேயன் பேச்சு

ஜனவரி 9-ம் தேதி வெளி​யாகும் ‘ஜன​நாயகன்’ படத்தை தியேட்டருக்கு சென்று பாருங்​கள் என்று நடிகர் சிவகார்த்திகேயன் பேசினார். 

சு​தா கொங்​கரா இயக்​கத்​தில் சிவ​கார்த்​தி​கேயன் ஹீரோ​வாக நடித்​துள்ள படம், ‘பராசக்​தி’. ரவி மோகன், அதர்​வா, ஸ்ரீலீலா ஆகியோர் முக்​கிய கதா​பாத்​திரங்​களில் நடித்​துள்​ளனர். ஜி.வி.பிரகாஷ் குமார் இசையமைத்​துள்​ளார். டான் பிக்​சர்ஸ் சார்பில் ஆகாஷ் பாஸ்​கரன் தயாரித்​துள்ள இப்​படம் பொங்​கலை முன்​னிட்டு ஜன.10-ல் வெளி​யாகிது. இதன் பாடல் வெளி​யீட்டு விழா தனி​யார் கல்​லூரி ஒன்​றில் நடந்​தது. படக்​குழு​வினர் கலந்துகொண்​டனர்.

விழா​வில் சிவ​கார்த்​தி​கேயன் பேசும்​போது, "பராசக்தி என்ற பெயரே மிகுந்த வலிமை கொண்​டது. அந்த பெயருக்கு ஏற்​றபடி, இந்​தப் படமும் அதே அளவு தாக்​கத்தை ஏற்​படுத்​தும். 1960-களுக்கு டைம் டிராவல் செய்து பார்வையாளர்​களை அழைத்​துச் செல்​லும் படம் இது. மாணவர்​கள் எப்​போதுமே சக்​தி​ வாய்ந்​தவர்​கள். அவர்கள் எந்த அளவுக்கு வலிமை கொண்​ட​வர்​களாக இருந்தார்கள் என்​பதை இந்​தப் படம் அழுத்​த​மாக காட்​டு​கிறது.

படத்​தின் உள்​ளடக்​கம் குறித்து பல கருத்​துகள் வெளிவரு​கின்​றன. ஆனால் பலரின் தியாகங்​களை நாம் நேர்​மறை​யாக​வும் மரியாதை​யுட​னும் பதிவு செய்​திருக்கிறோம். இதில் ரவிமோகன் சார், பவர்​புல் வில்​லன் கதா​பாத்​திரத்​தில் வரு​கிறார். ஜனவரி 9-ம் தேதி வெளி​யாகும் ‘ஜன​நாயகன்’ படத்தை தியேட்டருக்கு சென்று பாருங்​கள். 33 வருடம் திரைத்​ துறை​யில் மகிழ்​வித்​தவர். கடைசி படம் என்று சொல்லி இருக்​கிறார். ஆகவே ஜனவரி 9ம் தேதி அதை கொண்​டாட வேண்​டும். அடுத்த நாள் ஜனவரி 10ம் தேதி ‘பராசக்​தி’ படத்​துக்​கு வாருங்​கள்​” என்​றார்​.