» சினிமா » செய்திகள்
கமல் - பிரபாஸ் நடிக்கும் புராஜக்ட் - கே படத்தின் பெயர் அறிவிப்பு!
வெள்ளி 21, ஜூலை 2023 11:45:19 AM (IST)
கமல் - பிரபாஸ் நடிக்கும் புராஜக்ட் - கே படத்தின் பெயரை படக்குழு அறிவித்துள்ளது.
தெலுங்கு நடிகர் பிரபாஸ் நாயகனாகவும், சிறப்பு தோற்றத்தில் கமல் நடிக்கும் ’புராஜக்ட் கே’ படத்தை நாக் அஸ்வின் இயக்குகிறார். ரூ.600 கோடி பட்ஜெட்டில் உருவாகும் இப்படத்தில் நடிகர்கள் ராணா டக்குபதி, அமிதாப் பச்சன் உள்ளிட்டோர் நடிக்கின்றனர். சந்தோஷ் நாராயணன் இசையமைக்கிறார்.
இப்படத்தின் முதல்பார்வை போஸ்டரை படக்குழுவினர் சமீபத்தில் வெளியிட்டிருந்தனர். இந்நிலையில், படத்தின் பெயர் மற்றும் கிளிம்ஸ் விடியோவை வெளியிட்டுள்ளனர். அதன்படி இப்படத்திற்கு ‘கல்கி 2898’ எனப் பெயரிடப்பட்டுள்ளது.