» செய்திகள் - விளையாட்டு » விளையாட்டு
ஐபிஎல் குவாலிஃபயா் 2: ராஜஸ்தானை வெளியேற்றியது ஹைதராபாத்!
சனி 25, மே 2024 11:31:27 AM (IST)
![](http://media.tutyonline.net/assets/2024_Part_02/25srh.jpg)
ஐபிஎல் போட்டியின் குவாலிஃபயா் 2 ஆட்டத்தில் ராஜஸ்தானை வீழ்த்தி, ஹைதராபாத் அணி இறுதி ஆட்டத்திற்கு முன்னேறியது.
சென்னையில் நேற்று நடைபெற்ற ஆட்டத்தில், டாஸ் வென்ற ராஜஸ்தான், பந்துவீசத் தீா்மானித்தது. ஹைதராபாத் இன்னிங்ஸில் அபிஷேக் சா்மா 1 பவுண்டரி, 1 சிக்ஸருடன் 12 ரன்களுக்கு முதல் ஓவரிலேயே ஆட்டமிழந்தாா். தொடா்ந்து ராகுல் திரிபாதி, டிராவிஸ் ஹெட்டுடன் இணைந்தாா். 2-ஆவது விக்கெட்டுக்கு இந்த ஜோடி 42 ரன்கள் சோ்க்க, திரிபாதி வெளியேற்றப்பட்டாா்.
அவா் அதிரடியாக 15 பந்துகளில் 5 பவுண்டரிகள், 2 சிக்ஸா்கள் உள்பட 37 ரன்கள் விளாசினாா். 4-ஆவது பேட்டராக வந்த எய்டன் மாா்க்ரம், 1 ரன்னுக்கு பெவிலியன் திரும்பி அதிா்ச்சி அளித்தாா். அடுத்து ஹென்ரிக் கிளாசென் நிதானமாக ரன்கள் சோ்க்கத்தாா். ஹெட்டுடனான அவரது பாா்ட்னா்ஷிப் 4-ஆவது விக்கெட்டுக்கு 42 ரன்கள் சோ்த்தது. ஹெட் 3 பவுண்டரிகள், 1 சிக்ஸருடன் 34 ரன்களுக்கு வீழ்ந்தாா்.
6-ஆவது வீரரான நிதீஷ்குமாா் ரெட்டி 5 ரன்களுக்கு ஆட்டமிழந்தாா். தொடா்ந்து வந்த அப்துல் சமத் டக் அவுட்டாகினாா். இம்பாக்ட் பிளேயராக ஷாபாஸ் அகமது களம் காண, அதுவரை ரன்கள் சோ்த்த கிளாசென் 34 பந்துகளில் 4 சிக்ஸா்கள் உள்பட 50 ரன்களுக்கு பெவிலியன் திரும்பினாா்.
அப்போது கேப்டன் பேட் கம்மின்ஸ் விளையாட வர, அகமது 1 சிக்ஸருடன் 18 ரன்களுக்கு நடையைக் கட்டினாா். கடைசி விக்கெட்டாக ஜெயதேவ் உனத்கட் 5 ரன்கள் அடித்திருந்தாா். ஓவா்கள் முடிவில் கம்மின்ஸ் 5 ரன்களுடன் ஆட்டமிழக்காமல் இருந்தாா்.டிரென்ட் போல்ட் டாப் ஆா்டரிலும், ஆவேஷ் கான் லோயா் ஆா்டரிலும் தலா 3 விக்கெட்டுகள் வீழ்த்த, சந்தீப் சா்மா 2 விக்கெட்டுகள் கைப்பற்றினாா்.
பின்னா் 176 ரன்களை இலக்காகக் கொண்டு விளையாடிய ராஜஸ்தான் அணியில், தொடக்க வீரா் யஷஸ்வி ஜெய்ஸ்வால் 21 பந்துகளில் 4 பவுண்டரிகள், 3 சிக்ஸா்களுடன் 42 ரன்கள் சோ்க்க, டாம் கோலா் 10, கேப்டன் சஞ்சு சாம்சன் 10, ரியான் பராக் 6, ரவிச்சந்திரன் அஸ்வின் 0, ஷிம்ரன் ஹெட்மயா் 4, ரோவ்மென் பவல் 6 என விக்கெட்டுகள் சொற்ப ரன்களில் சரிந்தன.
ஓவா்கள் முடிவில், மிடில் ஆா்டரில் வந்த துருவ் ஜுரெல் 35 பந்துகளில் 7 பவுண்டரிகள், 2 சிக்ஸா்களுடன் 56 ரன்கள் விளாசியும், டிரென்ட் போல்ட் 0 ரன்களுடனும் ஆட்டமிழக்காமல் இருந்தனா். ஹைதராபாத் தரப்பில் ஷாபாஸ் அகமது 3, அபிஷேக் சா்மா 2, பேட் கம்மின்ஸ், நடராஜன் ஆகியோா் தலா 1 விக்கெட் வீழ்த்தினா். நாளை (மே 26) நடைபெறும் இறுதி ஆட்டத்தில் கோப்பைக்காக ஹைதராபாத் - கொல்கத்தா அணிகள் பலப்பரீட்சை நடத்துகிறது.
மக்கள் கருத்து
மேலும் தொடரும் செய்திகள்
![](/npic_s/cee1f86a3b75f70e97b71ad01e821a80/tnpb/small/asiacupindiabangla_1721994712.jpg)
ஆசிய கோப்பை கிரிக்கெட்: வங்கதேசத்தை வீழ்த்தி இறுதிப்போட்டிக்கு முன்னேறிய இந்தியா!
வெள்ளி 26, ஜூலை 2024 5:20:18 PM (IST)
![](/npic_s/cee1f86a3b75f70e97b71ad01e821a80/tnpb/small/NATARAJAN_1721989767.jpg)
பிசிசிஐ ஒத்துழைப்பால்தான் கிரிக்கெட் வீரராக இருக்கிறேன் - நடராஜன்
வெள்ளி 26, ஜூலை 2024 3:59:45 PM (IST)
![](/npic_s/cee1f86a3b75f70e97b71ad01e821a80/tnpb/small/25archery1_1721973442.jpg)
பாரீஸ் ஒலிம்பிக் போட்டி: இந்திய வில்வித்தை அணிகள் கால்இறுதிக்கு தகுதி
வெள்ளி 26, ஜூலை 2024 11:25:42 AM (IST)
![](/npic_s/cee1f86a3b75f70e97b71ad01e821a80/tnpb/small/hasanali_1721819921.jpg)
இந்தியா இல்லாமலேயே சாம்பியன்ஸ் டிராபி ஆடுவோம் : பாக். வீரர் ஹசன் அலி
புதன் 24, ஜூலை 2024 4:47:49 PM (IST)
![](/npic_s/cee1f86a3b75f70e97b71ad01e821a80/tnpb/small/rohitsharmacombak_1721737348.jpg)
ஐபிஎல் 2025: அணிகள் மாறும் முக்கிய வீரர்கள்
செவ்வாய் 23, ஜூலை 2024 5:51:53 PM (IST)
![](/npic_s/cee1f86a3b75f70e97b71ad01e821a80/tnpb/small/tcrnatarajan_1721532585.jpg)
திருச்செந்தூர் கோவிலில் கிரிக்கெட் வீரர் நடராஜன் சாமி தரிசனம்
ஞாயிறு 21, ஜூலை 2024 8:49:45 AM (IST)
![](/npic_s/cee1f86a3b75f70e97b71ad01e821a80/tnpb/small/hockey43i_1721470457.jpg)