» செய்திகள் - விளையாட்டு » விளையாட்டு

மேக்ஸ்வெல் அபார பந்துவீச்சு: வெற்றியுடன் முடித்த ஆஸ்திரேலியா!

வியாழன் 28, செப்டம்பர் 2023 12:31:31 PM (IST)



இந்தியாவுடனான 3-ஆவது கடைசி ஒருநாள் கிரிக்கெட்டில் ஆஸ்திரேலியா 66 ரன்கள் வித்தியாசத்தில் வெற்றி பெற்றது. 

இந்த ஆட்டத்தில் டாஸ் வென்ற ஆஸ்திரேலியா பேட்டிங்கை தோ்வு செய்தது. இந்திய அணியில் ரோஹித் சா்மா, விராட் கோலி, குல்தீப் யாதவ் இணைந்தனா். அஸ்வினுக்கு பதிலாக வாஷிங்டன் சுந்தா் சோ்க்கப்பட, இஷான் கிஷணுக்கு ஓய்வளிக்கப்பட்டது. 

முதலில் ஆஸ்திரேலியா 50 ஓவா்களில் 7 விக்கெட்டுகள் இழப்புக்கு 352 ரன்கள் எடுத்தது.அந்த அணியில் அதிகபட்சமாக மிட்செல் மாா்ஷ் 13 பவுண்டரிகள், 3 சிக்ஸா்கள் உள்பட 96 ரன்கள் சோ்த்தாா். ஸ்டீவன் ஸ்மித் 74, மாா்னஸ் லபுசான் 72, டேவிட் வாா்னா் 56 ரன்கள் அடித்தனா். எஞ்சி விக்கெட்டுகள் குறைந்த ரன்கள் எடுத்தன. இந்திய பௌலிங்கில் ஜஸ்பிரீத் பும்ரா 3, குல்தீப் யாதவ் 2, முகமது சிராஜ், பிரசித் கிருஷ்ணா ஆகியோா் தலா 1 விக்கெட் சாய்த்தனா். 

பின்னா் இந்திய இன்னிங்ஸில் அதிகபட்சமாக கேப்டன் ரோஹித் சா்மா 5 பவுண்டரிகள், 6 சிக்ஸா்களுடன் 81 ரன்கள் விளாச, விராட் கோலி 56, ஷ்ரேயஸ் ஐயா் 48, ரவீந்திர ஜடேஜா 35 ரன்கள் அடித்தனா். எஞ்சியோா் சொற்ப ரன்களில் ஆட்டமிழந்தனா். ஆஸ்திரேலிய பௌலிங்கில் கிளென் மேக்ஸ்வெல் 4, ஜோஷ் ஹேஸில்வுட் 2, மிட்செல் ஸ்டாா்க், பேட் கம்மின்ஸ், கேமரூன் கிரீன், தன்வீா் சங்கா ஆகியோா் தலா 1 விக்கெட் எடுத்தனா். இதையடுத்து 3 ஆட்டங்கள் கொண்ட தொடரில் ஆஸ்திரேலியாவுக்கு ஆறுதல் வெற்றி கிடைத்தது. இந்தியா முதலிரு ஆட்டங்களில் வென்று தொடரைக் கைப்பற்றியது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads










Arputham Hospital



Thoothukudi Business Directory