அரசுப் பள்ளி சாதனை: நீட் தேர்வில் வென்று 10 மாணவர்கள் மருத்துவப் படிப்பிற்குத் தேர்வு!

» செய்திகள் - விளையாட்டு » தமிழகம்

அரசுப் பள்ளி சாதனை: நீட் தேர்வில் வென்று 10 மாணவர்கள் மருத்துவப் படிப்பிற்குத் தேர்வு!

வியாழன் 6, ஆகஸ்ட் 2026 3:24:24 PM (IST)

திருப்பூர் மாவட்டம் இடுவம்பாளையம் அரசு மேல்நிலைப் பள்ளியைச் சேர்ந்த 10 மாணவர்கள் 2026-ஆம் ஆண்டு நீட் தேர்வில் சாதனை படைத்து மருத்துவப் படிப்பில் சேரத் தேர்வாகியுள்ளனர்.

இச்சாதனை திருப்பூர் மாவட்டத்திற்கு மட்டுமின்றி ஒட்டுமொத்த தமிழ்நாட்டிற்கே பெருமை சேர்த்துள்ளது. இந்த மகத்தான வெற்றிக்குப் பின்னால், பிரபல 'கிளாசிக் போலோ' (Classic Polo) நிறுவனத்தின் உரிமையாளர் டி.ஆர். சிவராம் அவர்களின் தொலைநோக்குப் பார்வையும், 'வெற்றி டிரஸ்ட்' (VETRY Trust) அமைப்பின் 20 ஆண்டுகாலப் அர்ப்பணிப்பும் பிரதானக் காரணமாக அமைந்துள்ளது.

கடந்த 2007-ஆம் ஆண்டு முதல் இந்த இடுவம்பாளையம் அரசு மேல்நிலைப் பள்ளியைத் தத்தெடுத்துச் செயல்பட்டு வரும் 'வெற்றி டிரஸ்ட்' அமைப்பு பள்ளியின் உள்கட்டமைப்பு வசதிகளைப் பெருமளவில் மேம்படுத்தியது. மாணவர்களுக்குக் கற்பிக்கக் கூடுதல் ஆசிரிய நியமனத்திற்குத் தேவையான நிதியுதவிகளை வழங்கியது.

NEET உள்ளிட்ட தேசிய அளவிலான போட்டித் தேர்வுகளுக்கான சிறப்புப் பயிற்சிகளைத் தொடர்ந்து ஏற்பாடு செய்து வந்தது. இத்தகைய தொடர் முயற்சிகளால், ஆயிரக்கணக்கான அரசுப் பள்ளி மாணவர்களின் வாழ்க்கையில் கல்வி எனும் நம்பிக்கையை விதைத்து வெற்றி பெறச் செய்துள்ளனர்.

"சமூக மாற்றம் என்பது வெறும் மேடைப் பேச்சுகளாலும், சமூக வலைதளப் பதிவுகளாலும் மட்டும் உருவாகிவிடாது; ஒரு குழந்தையின் கல்வியில் முதலீடு செய்து, அதன் எதிர்காலத்தை மாற்றியமைக்கும் போதுதான் உண்மையான சமூகப் பணி நிறைவடைகிறது" என்பதற்கு இச்சாதனையே சான்றாக அமைந்துள்ளது.

கல்விக்காகச் செய்யப்படும் ஒவ்வொரு உதவியும் ஒரு குடும்பத்தை மட்டுமல்லாமல், ஒட்டுமொத்த தலைமுறையையும் உயர்த்தும் என்பதை நிருபித்துள்ள இடுவம்பாளையம் அரசுப் பள்ளி மாணவர்கள், ஆசிரியர்கள், பெற்றோர்கள் மற்றும் இவர்களுக்கு உறுதுணையாக இருந்த 'வெற்றி டிரஸ்ட்' நிறுவனர் திரு. டி.ஆர். சிவராம் அவர்களுக்கும் பல்வேறு தரப்பிலிருந்தும் மனமார்ந்த பாராட்டுகளும் வாழ்த்துகளும் குவிந்து வருகின்றன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: