முந்தைய திட்டங்களுக்கு ஸ்டிக்கர் ஒட்டி வேளாண் பட்ஜெட் தாக்கல்!

» செய்திகள் - விளையாட்டு » தமிழகம்

முந்தைய திட்டங்களுக்கு ஸ்டிக்கர் ஒட்டி வேளாண் பட்ஜெட் தாக்கல்! - எடப்பாடி பழனிசாமி சாடல்!

வியாழன் 6, ஆகஸ்ட் 2026 12:48:02 PM (IST)

பொது பட்ஜெட்டைப் போலவே, முந்தைய திட்டங்களுக்கு ஸ்டிக்கர் ஒட்டி வேளாண் பட்ஜெட்டாகவும் அறிவித்துள்ளார்கள் என்று அதிமுக பொதுச் செயலாளர் எடப்பாடி பழனிசாமி கடுமையாகச் சாடியுள்ளார்.

சட்டப்பேரவை வளாகத்தில் செய்தியாளர்களைச் சந்தித்த அதிமுக பொதுச்செயலாளர் எடப்பாடி பழனிசாமி பேசியதாவது: இன்று தாக்கல் செய்யப்பட்டுள்ள வேளாண் பட்ஜெட், எதிர்பார்த்துக் காத்திருந்த தமிழக விவசாயிகளுக்குப் பெருத்த ஏமாற்றத்தையே அளித்துள்ளது. தேர்தல் நேரத்தில் விவசாயிகளுக்கு இனிக்க இனிக்க வாக்குறுதிகளைக் கொடுத்தார்கள். ஆனால், அந்த வாக்குறுதிகள் எதுவும் இந்த பட்ஜெட்டில் இடம்பெறவில்லை.

மேகேதாட்ட அணைக் விவகாரம் குறித்தோ, விவசாயிகளின் முக்கிய பிரச்சனைகள் குறித்தோ பட்ஜெட்டில் ஒரு வார்த்தை கூட இல்லை. ஏற்கனவே தாக்கல் செய்யப்பட்ட பொது பட்ஜெட்டுக்கு பூஜ்ஜியம் மதிப்பெண் கொடுத்தோம். ஆனால், இந்த வேளாண் பட்ஜெட்டுக்கு மைனஸ் பூஜ்ஜியம் மதிப்பெண் தான் கொடுக்க முடியும்.

பொது பட்ஜெட்டைப் போலவே, முந்தைய திட்டங்களுக்கு ஸ்டிக்கர் ஒட்டி வேளாண் பட்ஜெட்டாகவும் அறிவித்துள்ளார்கள். திமுக ஆட்சியைப் போலவே தவெகவின் இந்த வேளாண் பட்ஜெட்டும் ஒரு நாடகமே ஆகும். வாக்குறுதியில் கூறியபடி விவசாயக் கடன்களை முழுமையாகத் தள்ளுபடி செய்யாமல் விவசாயிகளை ஏமாற்றிவிட்டார்கள்.

சுமார் 20 துறைகளை ஒன்றாக இணைத்து வேளாண் பட்ஜெட் என்று கூறிக்கொள்கிறார்கள். அப்படியென்றால் அந்த 20 துறைகளுக்கும் தனித்தனி அமைச்சர்களும், மானியக் கோரிக்கைகளும் எதற்கு? வேளாண் பட்ஜெட் உரையை அமைச்சர் 2 மணி நேரம் 35 நிமிடங்கள் வாசித்ததைத்தான் பெரிய சாதனையாகப் பேசுகிறார்களே தவிர, இதனால் விவசாய மக்களுக்கு எந்தவொரு உண்மையான பயனும் கிடைக்கப்போவதில்லை." என்றார்.

மக்கள் கருத்து

உன்Aug 6, 2026 - 01:11:11 PM | Posted IP 162.1*****

கட்சியை காலிப் பண்ணிட்டு போகவும்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: