மக்கள்தொகை கணக்கெடுப்பு 2027: பொதுமக்கள் ஆர்வத்துடன் பங்கேற்க இளையராஜா அழைப்பு!

» செய்திகள் - விளையாட்டு » தமிழகம்

மக்கள்தொகை கணக்கெடுப்பு 2027: பொதுமக்கள் ஆர்வத்துடன் பங்கேற்க இளையராஜா அழைப்பு!

புதன் 29, ஜூலை 2026 12:18:38 PM (IST)

2027 மக்கள்தொகை கணக்கெடுப்பை வெற்றிகரமாக நடத்த பொதுமக்கள் அனைவரும் முழு ஒத்துழைப்பு அளிக்க வேண்டும் என இசைஞானி இளையராஜா வலியுறுத்தியுள்ளார்.

இந்தியாவின் 16-வது மக்கள்தொகை கணக்கெடுப்பின் முதற்கட்டமாக இணையதளம் வழியாகச் சுய கணக்கெடுப்பு (Self-Enumeration) செய்யும் பணி கடந்த ஜூலை 17-ஆம் தேதி தமிழ்நாட்டில் தொடங்கியது.

இதனையொட்டித் தமிழ்நாடு முதலமைச்சர் விஜய், தனது குடும்ப விவரங்களை இணையதளத்தில் பதிவு செய்து, பொதுமக்களையும் சுய கணக்கெடுப்பில் பங்கேற்குமாறு கேட்டுக்கொண்டார். அதனைத் தொடர்ந்து பொதுமக்கள் பலரும் தங்களது தரவுகளை இணையதளத்தில் பதிவு செய்து வருகின்றனர்.

இந்நிலையில், 2027 மக்கள்தொகை கணக்கெடுப்பை வெற்றிகரமாக நடத்த பொதுமக்கள் அனைவரும் முழு ஒத்துழைப்பு அளிக்க வேண்டும் என இசைஞானி இளையராஜா கேட்டுக்கொண்டுள்ளார்.

இது தொடர்பாக அவர் தனது எக்ஸ் (X) தளப் பக்கத்தில் வெளியிட்டுள்ள பதிவில் கூறியிருப்பதாவது: "இசை மனிதர்களை ஒன்றிணைப்பதைப் போல, மக்கள்தொகைக் கணக்கெடுப்பும் நாட்டின் முன்னேற்றத்திற்கு உறுதியான அடித்தளத்தை அமைக்கிறது. மக்கள்தொகைக் கணக்கெடுப்பு 2027-இல் தமிழ்நாட்டு மக்கள் அனைவரும் ஆர்வத்துடன் பங்கேற்குமாறு அன்புடன் கேட்டுக்கொள்கிறேன்.

சுயக் கணக்கெடுப்பு முறை 17.07.2026 முதல் 31.07.2026 வரை நடைபெறுகிறது. இந்தக் காலக்கட்டத்தில் பொதுமக்கள் https://se.census.gov.in என்ற அதிகாரப்பூர்வ இணையதளத்தின் மூலம் தங்களது குடும்ப விவரங்களைச் சுயமாகப் பதிவு செய்யுமாறு கேட்டுக்கொள்கிறேன்.

அதனைத் தொடர்ந்து 01.08.2026 முதல் 30.08.2026 வரை நடைபெறும் வீட்டுப் பட்டியலிடல் (HLO) கட்டத்தில் நேரில் வருகை தரும் கணக்கெடுப்பாளர்களுக்கு முழு ஒத்துழைப்பையும் வழங்குமாறு அன்புடன் வேண்டுகிறேன்.

துல்லியமான மக்கள்தொகைத் தகவல்கள் நாட்டின் சிறந்த திட்டமிடல் மற்றும் வளர்ச்சிக்கு அடிப்படையாக அமைகின்றன. அனைவரும் இணைந்து மக்கள்தொகைக் கணக்கெடுப்பு 2027-ஐ வெற்றிகரமாக நடத்துவோம்." இவ்வாறு அவர் தனது பதிவில் குறிப்பிட்டுள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: