திருக்கோயில் கடைக்காரர்களின் கோரிக்கைகள்: முதலமைச்சரிடம் விக்கிரமராஜா நேரில் மனு!

தமிழகத்தில் உள்ள திருக்கோயில்களுக்குச் சொந்தமான இடங்களில் கடை வைத்திருக்கும் வணிகர்களின் நீண்டகாலப் பிரச்சினைகளுக்குத் தீர்வு காண வேண்டும் என்று தமிழக முதல்வரை நேரில் சந்தித்து வணிகர் சங்கங்களின் பேரமைப்புத் தலைவர்  விக்கிரமராஜா மனு அளித்தார். 

தமிழ்நாடு முதலமைச்சர் மு.க. ஸ்டாலினை, வணிகர் சங்கங்களின் பேரமைப்புத் தலைவர்  விக்கிரமராஜா நேரில் சந்தித்துப் பேசினார். இந்தச் சந்திப்பின் போது, திருக்கோயில் வளாகங்கள் மற்றும் கோயிலுக்குச் சொந்தமான இடங்களில் பல ஆண்டுகளாகக் கடை நடத்தி வரும் சிறு மற்றும் குறு வணிகர்கள் சந்திக்கும் பல்வேறு சிக்கல்கள் குறித்து மனு அளித்தார். பல தலைமுறைகளாகக் கடை நடத்தி வரும் வணிகர்களுக்கு முன்னுரிமை அளித்து, அவர்களின் வாழ்வாதாரத்தை உறுதி செய்ய வேண்டும் என்று கோரிக்கை விடுத்தார்.