நாங்குநேரி மாணவன் சின்னதுரைக்கு தமிழக முதல்வர் மு.க.ஸ்டாலின் வாழ்த்து!!

பிளஸ் 2 தேர்வில் தேர்ச்சி பெற்ற நாங்குநேரி மாணவன் சின்னதுரை தமிழக முதல்வர் மு.க.ஸ்டாலினை சந்தித்து வாழ்த்துப் பெற்றார்.. 

தமிழ்நாடு முதலமைச்சர்  மு.க. ஸ்டாலின் இன்று (7.5.2024) தலைமைச் செயலகத்தில், பன்னிரெண்டாம் வகுப்பு பொதுத் தேர்வில் தேர்ச்சி பெற்ற சென்னையைச் சேர்ந்த திருநங்கை நிவேதா மற்றும் நாங்குநேரியில் சாதிய வன்முறையால் பாதிக்கப்பட்ட மாணவன் சின்னதுரை ஆகிய இருவரும் சந்தித்து வாழ்த்துப் பெற்றனர். உடன்  பள்ளிக்கல்வி துறைஅமைச்சர்  அன்பில் மகேஸ் பொய்யாமொழி, தலைமைச் செயலாளர்  சிவ் தாஸ் மீனா,  பள்ளிக்கல்வித் துறை செயலாளர்  ஜெ. குமரகுருபரன்,  பள்ளிக்கல்வித் துறை இயக்குநர்  அறிவொளி, திருநெல்வேலி மாவட்ட கல்வி அலுவலர்  முத்துசாமி ஆகியோர் உடனிருந்தனர்.