தேர்தலை முன்னிட்டு மதுக்கடை, பார்களை மூட ஆட்சியர் கார்த்திகேயன் உத்தரவு

திருநெல்வேலி மாவட்டத்தில் மக்களவைத் தேர்தலை முன்னிட்டு வருகிற 17ம் தேதி முதல் 19ம் தேதி நள்ளிரவு 12.00 மணி வரையிலும் மற்றும் வாக்கு எண்ணிக்கை நாளான 04.06.2024 (செவ்வாய்க்கிழமை) ஆகிய தினங்களில் மதுபானக் கடைகள் அவற்றுடன் இணைந்த மதுபானக்கூடங்கள் அனைத்தும் மூட ஆட்சியர் கார்த்திகேயன் உத்தரவிட்டுள்ளார். 

தமிழ்நாடு மக்களவைத் தேர்தல் 2024-க்கான வாக்குப்பதிவை முன்னிட்டு 17.04.2024 (புதன்கிழமை) காலை 10.00 மணி முதல் 19.04.2024 (வெள்ளிக் கிழமை) நள்ளிரவு 12.00 மணி வரையிலும் மற்றும் வாக்கு எண்ணிக்கையை முன்னிட்டு 04.06.2024 (செவ்வாய்க்கிழமை) ஆகிய தினங்களில் திருநெல்வேலி மாவட்டத்தில் தமிழ்நாடு மாநில வாணிபக் கழகத்தால் (டாஸ்மாக்) நடத்தப்படும் மதுபானக் கடைகள். அவற்றுடன் இணைந்த மதுபானக்கூடங்கள் கிளப்புகள், தங்கும் விடுதிகளுடன் இணைந்த உரிமம் பெற்ற மதுபானக் கூடங்கள் (FL2 to FL.11) (Except FL6) அனைத்தும் மூடப்படவேண்டும் என தெரிவிக்கப்பட்டுள்ளது.

எனவே திருநெல்வேலி மாவட்டத்திலுள்ள மதுபானக் கடைகள் அவற்றுடன் இணைந்த மதுபானக்கூடங்கள் அனைத்தும் தமிழ்நாடு மக்களவைத் தேர்தல் 2024-க்கான வாக்கு பதிவை முன்னிட்டு 17.04.2024(புதன்கிழமை) காலை 10.00 மணி முதல் 19.04.2024 (வெள்ளிக்கிழமை) நள்ளிரவு 12.00 மணி வரையிலும் மற்றும் வாக்கு எண்ணிக்கை நாளான 04.06.2024 (செவ்வாய்க்கிழமை) ஆகிய தினங்களில் மூடப்பட்டிருக்கும் என்று மாவட்ட ஆட்சித் தலைவர் கார்த்திகேயன் தெரிவித்துள்ளார்.