» செய்திகள் - விளையாட்டு » தமிழகம்
நெல்லை மக்களவைத் தொகுதி, விளவங்கோடு சட்டமன்ற தொகுதி காங்கிரஸ் வேட்பாளர்கள் அறிவிப்பு!
திங்கள் 25, மார்ச் 2024 4:29:39 PM (IST)
திருநெல்வேலி மக்களவைத் தொகுதி காங்கிரஸ் வேட்பாளராக ராபர்ட் புரூஸ், விளவங்கோடு சட்டமன்ற தொகுதி வேட்பாளராக தாரகை கத்பெர்ட் ஆகியோர் அறிவிக்கப்பட்டுள்ளனர்.
மக்களவைத் தேர்தலில் திமுக கூட்டணியில் போட்டியிடும் காங்கிரஸ் கட்சிக்கு தமிழகத்தில் 9 தொகுதிகளும், புதுச்சேரியும் ஒதுக்கப்பட்டது. முதல்கட்டமாக கடந்த சனிக்கிழமை புதுச்சேரி மற்றும் தமிழகத்தின் 7 தொகுதிக்கான வேட்பாளர்கள் பெயர் வெளியிடப்பட்டது. மீதமுள்ள திருநெல்வேலி மக்களவைத் தொகுதி மற்றும் விளவங்கோடு இடைத்தேர்தலுக்கான வேட்பாளர் பெயர் அறிவிக்கப்பட்டுள்ளது.
திருநெல்வேலி மக்களவைத் தொகுதி காங்கிரஸ் வேட்பாளராக ராபர்ட் புரூஸ் அறிவிக்கப்பட்டுள்ளார். விளவங்கோடு சட்டமன்ற இடைத்தேர்தலில் காங்கிரஸ் சார்பில் தாரகை கத்பெர்ட் போட்டியிடுகிறார்.
மயிலாடுதுறை மக்களவைத் தொகுதி காங்கிரஸ் வேட்பாளர் இன்றிரவுக்குள் அறிவிக்கப்படுவார் என்று தமிழக காங்கிரஸ் கமிட்டியின் தலைவர் செல்வப்பெருந்தகை தெரிவித்துள்ளார்
காங்கிரஸ் சார்பில் கரூரில் ஜோதிமணி, விருதுநகரில் மாணிக்கம் தாகூர், கன்னியாகுமரியில் விஜய் வசந்த், சிவகங்கையில் கார்த்தி சிதம்பரம் உள்ளிட்டோர் போட்டியிடவுள்ளது குறிப்பிடத்தக்கது.