தூத்துக்குடி மாவட்டத்தில் கூட்டுறவுத்துறை அமைச்சர் வி.காந்திராஜ் ஆய்வு!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி மாவட்டத்தில் கூட்டுறவுத்துறை அமைச்சர் வி.காந்திராஜ் ஆய்வு!

வெள்ளி 12, ஜூன் 2026 8:10:10 PM (IST)

தூத்துக்குடி மாவட்டத்தில் கூட்டுறவு துறைகளின் செயல்பாடுகள் குறித்து கூட்டுறவுத்துறை அமைச்சர் வி.காந்திராஜ் இன்று (12.06.2026) ஆய்வு செய்தார்.

முன்னதாக தூத்துக்குடி மாவட்டத்திற்கு வருகை தந்த கூட்டுறவுத்துறை அமைச்சர் வி.காந்திராஜை மாவட்ட ஆட்சியர் விஷு மகாஜன், புத்தகம் வழங்கி வரவேற்றார். அதனைத் தொடர்ந்து, கூட்டுறவுத்துறை அமைச்சர் வி.காந்திராஜ் புதுக்கோட்டை தொடக்க வேளாண்மை கூட்டுறவு கடன் சங்கத்தில் ஆய்வு செய்து, வேளாண் உபகரணங்களை விவசாயிகளுக்கு வழங்குவது குறித்து அறிவுரை வழங்கினார்.

பின்னர், மதுராகோட்ஸ் பணியாளர்கள் கூட்டுறவு பண்டகசாலையினை பார்வையிட்டு ஆய்வு செய்து, பொருட்களின் இருப்பு உள்ளிட்ட விவரங்கள் குறித்து கேட்டறிந்தார். தொடர்ந்து, தூத்துக்குடி மாவட்ட கூட்டுறவு அச்சகத்தினை பார்வையிட்டு ஆய்வு செய்தார். அதன்பிறகு மாவட்ட கூட்டுறவு மேலாண்மை பயிற்சி நிலையத்தினை பார்வையிட்டு, மாணவர்களிடையே கலந்துரையாடி, குறைகள் குறித்து அவர்களிடம் கேட்டறிந்தார்.

மாவட்ட மத்திய கூட்டுறவு வங்கியின் எட்டையபுரம் கிளையினை ஆய்வு செய்து, மகளிர் சுயஉதவிக்குழு உறுப்பினர்களுக்கு ரூபாய் 48 லட்சம் மதிப்பிலான கடனுதவிக்கான காசோலையினை வழங்கினார். தொடர்ந்து, சிந்தலக்கரை தொடக்க வேளாண்மை கூட்டுறவு கடன் சங்கம் மற்றும் சிந்தலக்கரை நியாயவிலைக்கடையினை ஆய்வு மேற்கொண்டு, அரிசி, பருப்பு உள்ளிட்ட பொருட்களை பார்வையிட்டு ஆய்வு செய்தார்.

இந்த ஆய்வின்போது, தூத்துக்குடி மண்டல இணைப்பதிவாளர் இரா.இராஜேஷ், மாவட்ட மத்திய கூட்டுறவு வங்கி இணைப்பதிவாளர் / செயலாட்சியர் கோ.காந்திநாதன், தூத்துக்குடி சரகத் துணைப்பதிவாளர் மு.கலையரசி, கோவில்பட்டி சரகத் துணைப்பதிவாளர் இரா.இராமகிருஷ்ணன், துணைப்பதிவாளர் (பொவிதி) அ.சுப்புராஜ் மற்றும் அரசு துறைச் சார்ந்த அலுவலர்கள் உடனிருந்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: