தூத்துக்குடியில் போதை ஊசி மருந்து விற்பனை: பெண் உள்பட இருவர் கைது!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் போதை ஊசி மருந்து விற்பனை: பெண் உள்பட இருவர் கைது!

வெள்ளி 3, ஏப்ரல் 2026 8:27:25 AM (IST)

தூத்துக்குடியில் வலி நிவாரணி மருந்துகளைப் போதை மருந்தாகப் பயன்படுத்தி விற்பனை செய்ய முயன்ற பெண் உள்ளிட்ட இருவரைப் போதைப்பொருள் கடத்தல் தடுப்புப் பிரிவு போலீசார் கைது செய்துள்ளனர்.

தூத்துக்குடி போதைப்பொருள் கடத்தல் தடுப்புப் பிரிவு தனிப்படை போலீசார், நேற்று (வியாழக்கிழமை) தாளமுத்துநகர் மொட்டை கோபுரம் சாலைப் பகுதியில் தீவிர கண்காணிப்புப் பணியில் ஈடுபட்டிருந்தனர். அப்போது அந்த வழியாகச் சந்தேகத்திற்கு இடமான வகையில் வந்த ஒரு நபரைத் தடுத்து நிறுத்தி விசாரணை நடத்தினர்.

விசாரணையில் அவர் தாளமுத்துநகர் பகுதியைச் சேர்ந்த செய்யது இப்ராகிம் (44) என்பது தெரியவந்தது. அவர் தன்னிடம் இருந்த வலி நிவாரணி மருந்துகளைப் போதைக்காகச் சட்டவிரோதமாக விற்பனை செய்யக் கொண்டு சென்றது உறுதி செய்யப்பட்டது.

அவரிடம் நடத்திய மேல் விசாரணையில், தாளமுத்துநகரைச் சேர்ந்த ஜெயக்குமார் என்பவரது மனைவி பாண்டிசெல்வி (40) என்பவர் இந்த மருந்துகளைச் சட்டவிரோதமாக விநியோகம் செய்தது தெரியவந்தது. பாண்டிசெல்வி ஒரு மருந்துக் கடையில் விற்பனையாளராகப் பணியாற்றி வருவதும், அந்த அதிகாரத்தைப் பயன்படுத்தி இத்தகைய சட்டவிரோத செயலில் ஈடுபட்டதும் அம்பலமானது.

இதனைத் தொடர்ந்து செய்யது இப்ராகிம் மற்றும் பாண்டிசெல்வி ஆகிய இருவரையும் போலீசார் கைது செய்தனர். அவர்களிடமிருந்து 76 போதை மருந்து குப்பிகள், ஒரு மோட்டார் சைக்கிள் மற்றும் அலைபேசிகள் ஆகியவற்றை போலீசார் பறிமுதல் செய்தனர்.

இந்த வலி நிவாரணி மருந்துகள் கடல் வழியாக இலங்கைக்குக் கடத்தப்பட இருந்ததா? அல்லது உள்ளூர் இளைஞர்களைக் குறிவைத்து விற்பனை செய்யத் திட்டமிடப்பட்டதா? என்பது குறித்துப் போலீசார் தீவிரமாக விசாரணை நடத்தி வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: