தூத்துக்குடி மாநகராட்சியில் தீண்டாமை ஒழிப்பு உறுதிமொழி ஏற்பு

தூத்துக்குடி மாநகராட்சியில் தொழுநோய் ஒழிப்பு மற்றும் தீண்டாமை ஒழிப்பு உறுதிமொழி ஏற்கும் நிகழ்ச்சி நடைபெற்றது.  

சமூக சமத்துவத்தையும் மனித கண்ணியத்தையும் வலியுறுத்தும் வகையில், ஒவ்வொரு ஆண்டும் ஜனவரி 30-ஆம் நாள் தியாகிகள் தினத்தன்று அரசு அலுவலகங்கள், பள்ளிகள் மற்றும் கல்லூரிகளில் தீண்டாமை ஒழிப்பு உறுதிமொழி எடுக்கப்படுகிறது. இதையொட்டி தூத்துக்குடி மாநகராட்சியில் மேயர் ஜெகன் பெரியசாமி தலைமையில், ஆணையர் பிரியங்கா முன்னிலையில் உறுதிமொழி ஏற்கும் நிகழ்ச்சி நடைபெற்றது.  

மேலும், காந்தி நினைவு தினத்தை முன்னிட்டு தேசிய தொழுநோய் ஒழிப்பு தினமான இன்று  தொழுநோய் ஒழிப்பு உறுதிமொழி ஏற்கப்பட்டது. இதில் துணை மேயர் ஜெனிட்டா செல்வராஜ், மண்டல தலைவர்கள் அன்னலட்சுமி, கோட்டு ராஜா, நிர்மல் ராஜ், மாமன்ற உறுப்பினர்கள் கீதா, முருகேசன், ஜான், சரவணகுமார், முத்துவேல், வைதேகி, சரண்யா, ராஜ்குமார் மற்றும் மாநகராட்சி அதிகாரிகள் ஊழியர்கள் பலர் கலந்து கொண்டனர்