இடி மின்னலின் போது என்ன செய்ய வேண்டும் : தீயணைப்பு வீரர்கள் விழிப்புணர்வு பயிற்சி

தூத்துக்குடி பள்ளியில், இடி மின்னலின் போது என்ன செய்ய வேண்டும் என்பது குறித்து தீயணைப்பு வீரர்கள் மாணவர்களுக்கு விழிப்புணர்வு பயிற்சி அளித்தனர். 

தூத்துக்குடி மாவட்ட அலுவலர் கணேசன் உத்தரவின்படி, மடத்தூர் பான் செக்கர்ஸ் பள்ளியில் மாணவ மாணவியர்கள் இடி மின்னல் தாக்குதலிருந்து தங்களை எவ்வாறு பாதுகாத்துக் கொள்வது? இடி மின்னலின் போது என்ன செய்ய வேண்டும், என்ன செய்யக் கூடாது என்பது குறித்து சிப்காட் நிலைய அலுவலர் த.கார்த்திகேயன் தலைமையில் விழிப்புணர்வு பயிற்சி நடைபெற்றது. இதில், ஏட்டு இசக்கிராஜன் மற்றும் தீயணைப்பு வீரர்கள்  தவசி, சக்திவேல், ஜெயக்குமார், விஸ்வநாதன் ஆகியோர் செயல்முறை பயிற்சி செய்து காட்டினர்.