தூத்துக்குடி அருகே லாரி மோதி எலக்ட்ரீசியன் பலி: நண்பர் படுகாயம்

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி அருகே லாரி மோதி எலக்ட்ரீசியன் பலி: நண்பர் படுகாயம்

ஞாயிறு 31, ஆகஸ்ட் 2025 2:21:55 PM (IST)

தூத்துக்குடி அருகே லாரி மீது மோட்டார் சைக்கிள் மோதிய விபத்தில் எலக்ட்ரீசியன் பலியானார். அவருடைய நண்பர் படுகாயமடைந்தார்.

நெல்லை அருகே கே.டி.சி. நகரைச் சேர்ந்தவர் அரசதுரை (40). எலக்ட்ரீசியன். பாளையங்கோட்டை மார்க்கெட் பகுதியை சேர்ந்தவர் ஆகாஷ் (19). நண்பர்களான இவர்கள் 2 பேரும் தூத்துக்குடியில் எலக்ட்ரிக்கல் மற்றும் பிளம்பிங் வேலைக்கு சென்றனர். பின்னர் வேலையை முடித்து விட்டு அவர்கள் 2 பேரும் மோட்டார் சைக்கிளில் நெல்லைக்கு புறப்பட்டு சென்றனர்.

தூத்துக்குடியை அடுத்த புதுக்கோட்டை அய்யனார் காலனி அருகில் சென்றபோது, முன்னால் சென்ற கியாஸ் சிலிண்டர் லாரியின் பின்புறம் எதிர்பாராதவிதமாக மோட்டார் சைக்கிள் மோதியது. இதில் பலத்த காயம் அடைந்த அரசதுரை சம்பவ இடத்திலேயே பரிதாபமாக உயிரிழந்தார். படுகாயமடைந்த ஆகாஷ் உயிருக்கு போராடியவாறு கிடந்தார்.

விபத்து குறித்து தகவல் அறிந்ததும் புதுக்கோட்டை போலீசார் விரைந்து சென்று, படுகாயமடைந்த ஆகாஷை மீட்டு சிகிச்சைக்காக தூத்துக்குடி அரசு மருத்துவமனைக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்படுகிறது. இறந்த அரசதுரையின் உடலைக் கைப்பற்றி பிரேத பரிசோதனைக்காக அதே மருத்துவமனைக்கு அனுப்பி வைத்தனர்.

இதுகுறித்து போலீசார் வழக்குப்பதிவு செய்து, லாரி டிரைவரான ராமநாதபுரம் மாவட்டம் சத்திரகுடியை சேர்ந்த ராஜவேல் (52) என்பவரிடம் விசாரணை நடத்தி வருகின்றனர்.

மக்கள் கருத்து

SivaSriAug 31, 2025 - 09:29:23 PM | Posted IP 104.2*****

Duty online வணக்கம் 🙏🏻 ஓர் ஊரில் எல்லையில் இருந்து வெளியே வரும் பகுதியில் முன்னோ பின்போ பெரிய வாகனங்கள் நிறுத்துகின்றனர் இது அந்த ஊரில் வெளியே வரும் பகுதி அவர்களுக்கு இடப்புறம் வலப்புறம் வண்டி வருவது தெரியாது.ஆகவே கனரக வாகனங்களை ஊர் நுழைவாயிலை விட்டு நிறுத்தினால் ஆபத்தை தடுக்கலாம்.நாம் இரு சக்கர வாகனத்தில் செல்லும் போது பெரிய வாகனங்கள் பின்னால் செல்வோம் திடீரென்று வலது பக்கம் திரும்புவார்.ஒரு இன்டிகேட்டர் தெரிவிப்பது கிடையாது.இதனால்பெரிய வாகனங்கள் இயக்குபவர்கள் கவனம் செய்தால் உயிர்கள் காக்கப்படும்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: