தூத்துக்குடியில் 4 மையங்களில் நீட் தேர்வு: 60 வயதில் தேர்வெழுதிய சித்த மருத்துவர்!

தூத்துக்குடி மாவட்டத்தில் 4 தேர்வு மையங்களில் இன்று நீட் தேர்வு நடந்தது. இதில், எட்டயபுரம், கோவில்பட்டி, தூத்துக்குடி வஉசி பொறியியல் கல்லூரி ஆகிய தோ்வு மையங்களில் ஆங்கிலத்தில் தோ்வு எழுதுவோருக்கும், தூத்குக்குடி தூய மரியன்னை ஆண்கள் மேல்நிலைப் பள்ளி தோ்வு மையத்தில் தமிழ், ஆங்கிலம், ஹிந்தி ஆகிய மொழிகளில் தோ்வு எழுதுவோருக்கும் ஒதுக்கப்பட்டிருந்தது. 

ஸ்ரீவைகுண்டத்தைச் சேர்ந்த சித்த மருத்துவர்  பச்சைமால் 60 வயதில் தன்னம்பிக்கையுடன் தூத்துக்குடி புனித மரியன்னை ஆண்கள் மேல்நிலைப்பள்ளி  தேர்வு மையத்திற்கு தேர்வு எழுத வந்தார். மாணவ மாணவிகள் நீட் தேர்வு தோல்வியால் மனம் உடைய வேண்டாம், விபரீத முடிவு  எடுக்கக் கூடாது காலம் இருக்கிறது என்று தேர்வு எழுத வந்த மாணவர்களுக்கு அறிவுரை வழங்கியபடி தேர்வு எழுத சென்றார்  மத்திய அரசு நீட் தேர்வு எழுத வயது வரைமுறை கொண்டுவர வேண்டும், தமிழக அரசு சிபிஎஸ்சி கல்விக்கு இணையாக பாடத்திட்டத்தினை தரம் உயர்த்த வேண்டும் என்று கோரிக்கை விடுத்தார்.