வீட்டில் கேஸ் சிலிண்டர் தீப்பிடித்து ஒருவர் படுகாயம்; பொருட்கள் நாசம்!

» செய்திகள் - விளையாட்டு » மாவட்ட செய்தி (தூத்துக்குடி)

வீட்டில் கேஸ் சிலிண்டர் தீப்பிடித்து ஒருவர் படுகாயம்; பொருட்கள் நாசம்!

ஞாயிறு 25, ஆகஸ்ட் 2024 9:25:56 AM (IST)

முக்காணியில் வீட்டில் கேஸ் சிலிண்டர் தீப்பிடித்து ஒருவர் படுகாயம் அடைந்தார். வீட்டில் இருந்த பிரிட்ஜ், டி.வி., பீரோ உள்ளிட்ட பொருட்களும் எரிந்து நாசமானது.

தூத்துக்குடி மாவட்டம், முக்காணி ரவுண்டானா காமராஜ்நகரில் வசித்து வருபவர் ஐகோர்ட்துரை (53). இவருக்கு பாக்கியலட்சுமி என்ற மனைவியும், ஒரு மகனும், 2 மகள்களும் உள்ளனர். ஐகோர்ட்துரை இனிப்பு, பலகாரங்கள் தயார் செய்து கடைகளுக்கு விற்பனை செய்யும் தொழில் செய்து வந்தார்.

நேற்று காலை வழக்கம் போல் வீட்டின் ஒரு பகுதியில் தனியாக கேஸ் அடுப்பில் இனிப்பு, பலகாரங்கள் தயார் செய்து கொண்டிருந்தார். அப்போது எதிர்பாராத விதமாக சிலிண்டரின் மேல் பகுதியில் திடீரென தீப்பிடித்தது. இந்த தீ வேகமாக அந்த அறை முழுவதும் பரவியது.

இதனையடுத்து திருச்செந்தூர் தீயணைப்பு நிலையத்திற்கு தகவல் தெரிவித்தனர். உடனடியாக நிலைய அதிகாரி ராஜமூர்த்தி தலைமையில் தீயணைப்பு வீரர்கள் வந்து தீயை உடனடியாக அணைத்து மேலும் பரவாமல் தடுத்தனர். தொடர்ந்து அங்கிருந்த 2 சிலிண்டர்களை வெளியே கொண்டு வந்து அப்புறப்படுத்தினர். இதனால் பெரும் விபத்து தவிர்க்கப்பட்டது.

இந்த விபத்தில் தீக்காயம் அடைந்த ஐகோர்ட்துரையை அக்கம்பக்கத்தினர் மீட்டு ஆத்தூர் தனியார் மருத்துவமனைக்கு அனுப்பி வைத்தனர். பின்னர் அவர் காயல்பட்டினம் அரசு மருத்துவமனையில் அனுமதிக்கப்பட்டார். இந்த தீ விபத்தினால் வீட்டில் உள்ள பிரிட்ஜ், டி.வி., பீரோ உள்ளிட்ட பொருட்கள் தீயில் எரிந்து நாசமானது இச்சம்பவம் அந்த பகுதியில் பரபரப்பை ஏற்படுத்தியது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: