போதை பொருள் இல்லாத தமிழகம் : மதர் தெரசா கல்லூரி மாணவர்கள் உறுதிமொழி ஏற்பு!

செயின்ட் மதர் தெரசா கல்லூரியில் போதையில்லாத தமிழ்நாடு நிகழ்ச்சியில் மதர் தெரசா கல்லூரி மாணவர்கள் உறுதிமொழி ஏற்றுக்கொண்டனர். 

தமிழகத்தில் போதையில்லாத தமிழ்நாடு நிகழ்ச்சியை தமிழக முதல்வர் காணொளி காட்சி மூலம் தொடங்கி வைத்தார். அதனை தொடர்ந்து தூத்துக்குடி வாகைக்குளம் செயின்ட் மதர்தெரசா பொறியியல் கல்லூரியில் நிகழ்ச்சி நடைபெற்றது. இதில், கல்லூரி முதல்வர் முனைவர் ஜார்ஜ் கிளிங்டன் தலைமை தாங்கினார். சிறப்பு விருந்தினராக புதுக்கோட்டை மகளிர் காவல்துறை ஆய்வாளர் வனிதா ஹரிஹரன் பங்கேற்று போதைப்பொருள் ஒழிப்பு குறித்து விழிப்புணர்வு உரையாற்றினார். 

போதை பொருள் பயன்படுத்துவதால் விளையும் தீமைகளை பற்றியும், உயர்கல்வியில் வெற்றிபெற்று வேலைவாய்ப்பு பெற வேண்டும் என்று அறிவுத்தினார். இதனையடுத்து, மாணவர்கள் போதைப்பொருள் விழிப்புணர்வு உறுதிமொழி எடுத்துக்கொண்டனர்.  இந்நிகழ்ச்சியில் கல்லூரி மாணவர்கள் மற்றும் பேராசிரியர்கள் கலந்துகொண்டனர். இதற்கான ஒருங்கிணைப்பு ஏற்பாடுகளை பேராசிரியர் ராமசாமி ரீகன் மற்றும் நிர்வாக மேலாளர் விக்னேஷ் செய்திருந்தார்.