விஜய் நடித்துள்ள கில்லி படம் மறு வெளியீடு : த.வெ.க. நிர்வாகிகள் உற்சாகம்!!

தமிழக வெற்றிக் கழகத் தலைவர் நடிகர் விஜய் நடித்த கில்லி திரைப்படம் 20 ஆண்டுகளுக்குப் பிறகு புதிய தொழில்நுட்ப முறையில் இன்று மீண்டும் திரையரங்கில் வெளியிடப்பட்டுள்ளது. தூத்துக்குடியில் உள்ள 4 திரையரங்குகளில் கில்லி திரைப்படம் வெளியிடப்பட்டுள்ளது. தூத்துக்குடி பாலகிருஷ்ணா திரையரங்கில் தமிழக வெற்றி கழகம் சார்பில் ரசிகர்கள் உற்சாகமாக கொண்டாடினர்.

தமிழக வெற்றி கழக தூத்துக்குடி சட்டமன்ற தொகுதி பொறுப்பாளர் அஜிதா அக்னல் தலைமை தாங்கினார். பாலகிருஷ்ணா திரையரங்கு உரிமையாளர் ராமையா முன்னிலை வைத்தார். இதில் 20 ஆண்டுகள் பிறகு கில்லி திரைப்படம் வெளியிடுவது தொடர்ந்து 20 கிலோ கேக் வெட்டி ரசிகர்களுக்கு வழங்கினர். பின்னர் ரசிகர்கள் கில்லி திரைப்படத்தை உற்சாகமாக கண்டு களித்தனர்.‌

20 ஆண்டுகளுக்குப் பிறகு கிள்ளி திரைப்படம் வெளியிட்டு ரசிகர்கள் மத்தியில் உற்சாக வரவேற்பு ஏற்பட்டுள்ளது. இதே போல் வரும் 2026 யில் தலைவர் விஜயை அரியணையில் ஏற்றோம் என தமிழக வெற்றி கழக தூத்துக்குடி சட்டமன்ற தொகுதி பொறுப்பாளர் அஜிதா அக்னல் தெரிவித்தார். முன்னதாக சிலம்பாட்டம், பறை இசை முழங்க தியேட்டர் முன்பு வரவேற்பு நிகழ்ச்சி நடந்தது. இதில் தமிழக வெற்றிக் கழகத்தின் நிர்வாகிகள் மற்றும் உறுப்பினர்கள் கலந்து கொண்டனர்.