» செய்திகள் - விளையாட்டு » மாவட்ட செய்தி (தூத்துக்குடி)
தூத்துக்குடி தொகுதியில் நாம் தமிழர் கட்சி வேட்பாளர் தீவிர பிரச்சாரம்
புதன் 10, ஏப்ரல் 2024 4:33:55 PM (IST)
தூத்துக்குடி மக்களவை தொகுதியில் போட்டியிடும் நாம் தமிழர் கட்சி வேட்பாளர் ரொவீனா ரூத் ஜோன் தீவிர பிரச்சாரம் மேற்கொண்டு வருகிறார்.
தூத்துக்குடி மக்களவை தொகுதியில் நாம் தமிழர் கட்சி சார்பில் மருத்துவர் ரொவீனா ரூத் ஜோன் போட்டியிடுகிறார். தனக்கு 'மைக்' (ஒலிவாங்கி) சின்னத்தில் வாக்குகள் கேட்டு, பல்வேறு இடங்களில் தீவிர பிரச்சாரம் செய்து வரும் நிலையில், இன்று (புதன்கிழமை) காலை தூத்துக்குடியை அடுத்துள்ள முத்தையாபுரத்தில் தனது பிரச்சாரத்தை தொடங்கினார். முன்னதாக, நாம் தமிழர் கட்சியினருடன் உறுதி மொழி எடுத்து கொண்டார்.
அதனை தொடர்ந்து, முள்ளக்காடு மற்றும் ஒட்டப்பிடாரம் தொகுதிக்குட்பட்ட அத்திமரப்பட்டி, பொட்டல்காடு, குலையன்கரிசல், கூட்டாம்புளி, சிறுப்பாடு, புதுக்கோட்டை, கூட்டாம்புளி ஆகிய ஊர்களுக்கு சென்று தனக்கு வாக்களிக்குமாறு பொதுமக்களை கேட்டு கொண்டார். பிரச்சாரத்தின் போது, நாம் தமிழர் கட்சியின் மண்டல செயலாளர் ராஜசேகரன், மத்திய மாவட்ட செயலாளர் வே.வேல்ராஜ், மாநில இளைஞர் பாசறை மாவட்ட பொறுப்பாளர் ஆனந்த் உள்பட கட்சி நிர்வாகிகள் பலர் உடன் சென்றனர்.