ஹவுதி அமைப்பினர் எச்சரிக்கை: இந்தியா, சீனா வந்த 3 கச்சா எண்ணெய் கப்பல்கள் திசைமாற்றம்!

» செய்திகள் - விளையாட்டு » உலகம்

ஹவுதி அமைப்பினர் எச்சரிக்கை: இந்தியா, சீனா வந்த 3 கச்சா எண்ணெய் கப்பல்கள் திசைமாற்றம்!

புதன் 22, ஜூலை 2026 4:22:18 PM (IST)

ஈரான் ஆதரவு பெற்ற ஹவுதி போராளிகளின் எச்சரிக்கையைத் தொடர்ந்து, இந்தியா, சீனா ஆகிய நாடுகளுக்குக் கச்சா எண்ணெய் ஏற்றிச் சென்ற மூன்று சவுதி எண்ணெய் கப்பல்கள், ஏமன் கடற்கரைப் பகுதியைத் தவிர்க்கும் பொருட்டுத் திரும்பிச் சென்றுள்ளன.

சூயஸ் கால்வாயை நோக்கிச் சென்று கொண்டிருந்த சின் லாங் யாங், ரோடோஸ், அமேசான் ஆகிய மூன்று எண்ணெய் கப்பல்கள், ஹவுதி அமைப்பினரின் எச்சரிக்கையைத் தொடர்ந்து திரும்பியதாகத் தெரிவிக்கப்பட்டுள்ளது. ஹார்முஸ் நீரிணை மூடப்பட்டதால் ஏற்கனவே நெருக்கடியில் உள்ள உலகளாவிய எரிசக்தி சந்தைகளில், இச் சம்பவம் பற்றாக்குறையை அதிகரிக்கக்கூடும் எனக் கருதப்படுகிறது.

சவூதி அரேபியாவுக்கு எதிராகக் கடற்படை முற்றுகையை ஹவுதி அமைப்பினர் அறிவித்துள்ளனர். இந்நடவடிக்கை வளைகுடாப் பகுதிக்கு வெளியே உள்ள உலகளாவிய எரிசக்தி விநியோகத்திற்கும் வர்த்தகத்திற்குமான அச்சுறுத்தலை அதிகரித்துள்ளது.

கப்பல் நிறுவனங்களுக்கு அனுப்பப்பட்டுள்ள மின்னஞ்சலில், சவூதி அரேபிய துறைமுகங்களில் சரக்குகளை ஏற்றவோ இறக்கவோ கூடாது எனக் குறிப்பிடப்பட்டுள்ளது. மீறிச் செயல்படும் கப்பல்கள் எந்த இடத்திலும் தாக்குதலுக்கு உள்ளாகலாம் எனவும் எச்சரிக்கப்பட்டுள்ளது.

செங்கடல் பாதையில் ஆபத்து:

செங்கடலின் முகத்துவாரத்தில் உள்ள பாப் அல்-மண்டேப் நீரிணையின் கடற்கரை உட்பட வடக்கு ஏமன் பகுதியை ஹவுதி கிளர்ச்சிக் குழுவினர் தங்கள் கட்டுப்பாட்டில் வைத்துள்ளனர்.

செங்கடலை ஏடன் வளைகுடா, இந்தியப் பெருங்கடலுடன் இணைக்கும் இப் பாதையைப் பயன்படுத்துவதைத் தவிர்க்குமாறு சவூதி அரேபிய துறைமுகங்களுக்கு வரும் கப்பல்களுக்கு அறிவுறுத்தப்பட்டுள்ளது.

இப் புதிய எச்சரிக்கை காரணமாக ஆசிய வாடிக்கையாளர்களுக்குச் சென்று சேர வேண்டிய சரக்குகளுக்கு வாரக்கணக்கில் கூடுதல் தாமதம் ஏற்படும் எனக் கணிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: