அரசு ஊழியர்களுக்கு அசாம் அரசு அதிரடி செக் : 2-வது திருமணம் செய்தால் சம்பளத்தில் 20% கட்!

» செய்திகள் - விளையாட்டு » இந்தியா

அரசு ஊழியர்களுக்கு அசாம் அரசு அதிரடி செக் : 2-வது திருமணம் செய்தால் சம்பளத்தில் 20% கட்!

செவ்வாய் 18, ஆகஸ்ட் 2026 4:41:44 PM (IST)

அசாமில் முதல் மனைவியை விவாகரத்து செய்யாமல் 2-வது திருமணம் செய்யும் அரசு ஊழியர்களின் சம்பளத்தில் 20% பிடித்தம் செய்யப்படும் என்று முதல்வர் ஹிமந்தா பிஸ்வா சர்மா அறிவித்துள்ளார்.

அசாம் மாநிலத்தில் பலதார திருமணத்தைத் தடை செய்ய அரசு பல்வேறு தீவிர நடவடிக்கைகளை எடுத்து வரும் நிலையில், அம்மாநில அரசு மற்றொரு முக்கிய அறிவிப்பை வெளியிட்டுள்ளது.

அசாம் முதலமைச்சர் ஹிமந்தா பிஸ்வா சர்மா தெரிவித்துள்ள புதிய நடைமுறையின் விவரங்கள்: முதல் மனைவியை முறைப்படி விவாகரத்து செய்யாமல் 2-வது திருமணம் செய்துகொள்ளும் அரசு ஊழியர்களின் மாதாந்திரச் சம்பளத்தில் இருந்து 20 சதவீதம் பிடித்தம் செய்யப்படும்.

பிடித்தம் செய்யப்படும் அந்தத் தொகை, பாதிக்கப்பட்ட முதல் மனைவியின் வங்கிக் கணக்கில் நேரடியாகச் செலுத்தப்படும். இத்திட்டத்தின் கீழ் பயன்பெற பாதிக்கப்பட்ட முதல் மனைவி அரசிடம் உரிய விண்ணப்பத்தைச் சமர்ப்பிக்க வேண்டும்.

விவாகரத்து தொடர்பான வழக்கு நீதிமன்றத்தில் நிலுவையில் இருந்தாலும், இந்தச் சம்பளப் பிடித்தம் தொடர்ந்து செயல்படுத்தப்படும். சட்டரீதியான நடவடிக்கைகள் நிறைவடையும் வரை முதல் மனைவி எவ்வித நிதிச் சிரமங்களையும் சந்திக்காமல் இருப்பதை உறுதி செய்வதே இதன் முதன்மை நோக்கமாகும். இத்திட்டத்தை அடுத்தகட்டமாகத் தனியார் துறை ஊழியர்களுக்கும் விரிவுபடுத்த அசாம் அரசு திட்டமிட்டுள்ளது.

அசாமில் ஏற்கனவே நடைமுறையில் உள்ள மற்றொரு முக்கியத் திட்டத்தையும் அரசு நினைவுபடுத்தியுள்ளது: அரசு ஊழியர்கள் தங்களது வயதான பெற்றோர் மற்றும் மாற்றுத்திறனாளி உடன்பிறப்புகளைப் பராமரிக்காமல் புறக்கணித்தால், அவர்களின் சம்பளத்தில் இருந்து 10 சதவீதம் பிடித்தம் செய்யப்பட்டு, நேரடியாக அவர்களின் பெற்றோரின் வங்கிக் கணக்கில் செலுத்தப்பட்டு வருவது குறிப்பிடத்தக்கது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

அரசு ஊழியர்களுக்கு அசாம் அரசு அதிரடி செக் : 2-வது திருமணம் செய்தால் சம்பளத்தில் 20% கட்!

» செய்திகள் - விளையாட்டு » இந்தியா