» செய்திகள் - விளையாட்டு » இந்தியா

பெண் கமாண்டோ படுகொலை : வரதட்சணை விவகாரத்தில் கணவர் வெறிச்செயல்!

வெள்ளி 30, ஜனவரி 2026 4:56:57 PM (IST)


டெல்லியில் வரதட்சணை கேட்டு துன்புறுத்தி, பெண் கமாண்டோ போலீசை கணவர் அடித்துக் கொன்ற சம்பவம் பரபரப்பை ஏற்படுத்தியுள்ளது. 

டெல்லியைச் சேர்ந்தவர் காஜல் சவுத்ரி. 27 வயதான இவர் டெல்லி ஸ்வாட் கமாண்டோ பிரிவில் பணியாற்றி வந்தார். அவருடைய கணவர் அங்கூர். இவர் பாதுகாப்பு அமைச்சகத்தில் க்ளார்க் பணியில் இருந்தார். இவர்களுக்குள் அடிக்கடி சண்டை சச்சரவுகள் ஏற்படுவது வழக்கமாக இருந்துள்ளது. இந்நிலையில், ஜனவரி 22-ம் தேதி, அங்கூருக்கும் - காஜலுக்கு சண்டை வந்துள்ளது. 

ஒருகட்டத்தில் கணவன் - மனைவிக்குள் வாக்குவாதம் முற்றியுள்ளது. அப்போது அங்கூர், காஜலின் சகோதரரை தொலைபேசியில் அழைத்து, "நான் உன் அக்காவை அடித்துக் கொலை செய்யப் போகிறேன். இந்த தொலைபேசி அழைப்பை துண்டிக்காமல் நடப்பவற்றை நீ ரெக்கார்ட் செய்து கொள்ளலாம்,” என்று கூறிக் கொண்டே உடற்பயிற்சி செய்வதற்கு பயன்படும் டம்பிள்ஸை எடுத்து காஜலின் தலையில் அடித்துள்ளார்.

இதில் காஜல் படுகாயமடைந்துள்ளார். அவர் காசியாபாத் மருத்துவமனையில் அனுமதிக்கப்பட்ட அவர், 5 நாட்கள் உயிருக்குப் போராட்டி சிகிச்சை பலனின்றி இறந்தார். இந்தக் கொடூரச் சம்பவம் குறித்து காஜலின் சகோதரர் நிகில் அளித்த புகாரின்படி அங்கூர் கைது செய்யப்பட்டுள்ளார். அவர் மீது தற்போது கொலை வழக்கு பதிவு செய்யப்பட்டுள்ளது.

இந்த கோரச் சம்பவத்தைப் பற்றி நிகில் கூறுகையில், "எனது அக்கா 4 மாத கர்ப்பிணியாக இருந்தார். அக்கா அலறித் துடிப்பதை என் போன் வாயிலாக நான் கேட்டபோது நடுங்கிப் போனேன்.அவரை வரதட்சணைக்காக கொடுமைப்படுத்தியுள்ளனர். அன்றைய தினம் என் அக்காவின் கணவர் காலையிலேயே போன் செய்து அக்காவைப் பற்றி கோபமாகப் பேசினார். நான் அவரை சமாதானப்படுத்திவிட்டு உடனடியாக என் அக்காவிடம் பேசினேன்.

அதுநாள் வரை அவருக்கு நேர்ந்த கொடுமைகளை எல்லாம் மறைத்த அக்கா, அன்றைய தினம் அவளுடைய அத்தனைப் போராட்டங்களைப் பற்றியும் சொன்னார். அப்போது அதைக் கேட்ட அக்காவின் கணவர், அவரிடமிருந்து போனைப் பறித்துக் கொண்டார்.

தொடர்ந்து அவளை அடித்தார். என் அக்காவின் அலறல் சத்தம் எனக் கேட்டது. ஐந்து நிமிடங்களுக்குப் பின்னர் மீண்டும் என்னை அழைத்து, "உன் அக்கா இறந்துவிட்டார். மருத்துவமனைக்கு வா” என்று கூறினார். படித்து, போலீஸ் கமாண்டோ பதவியில் இருந்த பெண்ணுக்கு நேர்ந்த வரதட்சணை கொடுமை கடும் அதிர்வலைகளை ஏற்படுத்தியுள்ளது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

K.CHINNADURAI & CO AND GOLD HOUSE

Sponsored Ads



Arputham Hospital


CSC Computer Education





Thoothukudi Business Directory