தூத்துக்குடியில் திடீர் மழை: பொதுமக்கள் மகிழ்ச்சி!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் திடீர் மழை: பொதுமக்கள் மகிழ்ச்சி!

திங்கள் 3, ஆகஸ்ட் 2026 7:46:40 AM (IST)

தூத்துக்குடியில் பெய்த திடீர் மழையால் வெப்பம் தணிந்து இதமான சூழல் உருவாகியுள்ளதால் பொதுமக்கள் மகிழ்ச்சியடைந்துள்ளனர்.

தூத்துக்குடி மாவட்டத்தில் கடந்த சில நாட்களாக வெயிலின் தாக்கம் மிக அதிகமாகக் காணப்பட்டது. அதோடு பலத்த காற்றும் தொடர்ந்து வீசி வந்ததால், இருசக்கர வாகன ஓட்டிகள் மற்றும் பொதுமக்கள் மிகுந்த சிரமத்திற்கு ஆளாகி வந்தனர்.

இந்நிலையில், சராசரி கடல் மட்டத்திலிருந்து 5.8 கிலோமீட்டர் உயரத்தில் வட உள் கர்நாடகத்திலிருந்து குமரிக்கடல் பகுதிகள் வரையிலும், தென் உள் கர்நாடகா, கேரளா மற்றும் தமிழகம் வழியாகவும் ஒரு காற்றழுத்தத் தாழ்வுப் பாதை நிலவுகிறது.

இதன் காரணமாகத் தமிழகத்தின் பல்வேறு மாவட்டங்களில் மழை பெய்யும் என்றும், தென் தமிழகக் கடலோரப் பகுதிகள், மன்னார் வளைகுடா மற்றும் குமரிக்கடல் பகுதிகளில் மணிக்கு 40 முதல் 50 கிலோமீட்டர் வேகத்திலும், இடையிடையே 60 கிலோமீட்டர் வேகத்திலும் சூறாவளிக் காற்று வீசக்கூடும் எனவும் வானிலை ஆய்வு மையம் எச்சரித்திருந்தது.

வானிலை மைய அறிவிப்பின்படி, நேற்று காலை முதலே தூத்துக்குடியில் பலத்த காற்று வீசியது. அவ்வப்போது கருமேகங்கள் திரண்டு காணப்பட்டதால் வெயிலின் தாக்கம் சற்று குறைவாகவே இருந்தது.

இதனைத் தொடர்ந்து மாலை 4.30 மணியளவில் திடீரெனப் பலத்த சாரல் மழை பெய்தது. இதனால் தூத்துக்குடி மாநகரின் சில இடங்களில் லேசாக மழைநீர் தேங்கியது. இதேபோல் இன்று (ஆகஸ்ட் 3) அதிகாலையிலும் பரவலாக லேசான தூறல் பெய்தது.

இந்தத் திடீர் மழையின் காரணமாகக் கடந்த சில நாட்களாக நகரில் நிலவி வந்த கடுமையான வெப்பம் தணிந்து, குளிர்ச்சியான மற்றும் இதமான சூழல் நிலவுவதால் மக்கள் பெரும் மகிழ்ச்சியடைந்துள்ளனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தூத்துக்குடியில் திடீர் மழை: பொதுமக்கள் மகிழ்ச்சி!

» செய்திகள் - விளையாட்டு » மாவட்ட செய்தி (தூத்துக்குடி)