ஊரக வேலை உறுதி திட்டத்தில் குறைதீர்ப்பாளர் நியமனம் : ஆட்சியர் க.இளம்பகவத் தகவல்!

தூத்துக்குடி மாவட்டத்தில் மகாத்மா காந்தி தேசிய ஊரக வேலை உறுதி திட்டத்தின் கீழ் மாவட்ட குறைதீர்ப்பாளர் நியமனம் செய்யப்பட்டுள்ளார்.

தூத்துக்குடி மாவட்டத்தில், மகாத்மா காந்தி தேசிய ஊரக வேலை உறுதித் திட்டத்தின் கீழ் பொது மக்களிடமிருந்து பெறப்படும் புகார்களின் மீது உரிய நடவடிக்கை மேற்கொள்ளும் பொருட்டு மாவட்ட குறைதீர்ப்பாளராக போ.கருப்பசாமி என்பவர் நியமிக்கப்பட்டுள்ளார். 

எனவே, மகாத்மா காந்தி தேசிய ஊரக வேலை உறுதித் திட்ட பயனாளிகள், தங்கள் குறைகளை தெரிவிக்க மாவட்ட குறைத்தீர்ப்பாளரை தூத்துக்குடி மாவட்ட ஆட்சியர் அலுவலக வளாகத்தில் உள்ள மாவட்ட ஊரக வளர்ச்சி முகமை அலுவலகத்தில் நேரிலோ அல்லது 8925811330 என்ற அலைபேசி வாயிலாகவோ [email protected] என்ற மின்னஞ்சலுக்கு தொடர்பு கொண்டு தங்களது புகார்களை தெரிவித்து, குறைகளை நிவிர்த்தி செய்திட பொதுமக்கள் கேட்டுக் கொள்ளப்படுகிறார்கள் என மாவட்ட ஆட்சியர் க.இளம்பகவத் தெரிவித்துள்ளார்.