நாசரேத் ஆலயங்களில் குருத்தோலை பவனி!

நாசரேத் அருகிலுள்ளவெள்ளரிக்காயூரணி சகல பரிசுத்தவான்கள் சி.எஸ்.ஐ. ஆலயத்தில் குருத்தோலை பவனி நடந்தது. 

தூத்துக்குடி - நாசரேத் திருமண்டலம் மூக்குப்பீறி சேகரம் நாசரேத் அருகிலுள்ளவெள்ளரிக்காயூரணி சகல பரிசுத்தவான்கள் சி.எஸ்.ஐ. ஆலயத்தில் குருத்தோலை பவனி மற்றும் குருத்தோலை ஞாயிறு சிறப்பு ஆராதனை நடந்தது. முன்னதாக சபை ஊழியர் ஜாண் வில்சன் தலைமையில் பாடகர் குழுவினர், சபையார் ஊரைச்சுற்றி குருத்தோலைகளை பிடித்துக் கொண்டு ஓசன்னா, ஓசன்னா என பாடிக் கொண்டு ஊர்வலமாக சென்றனர். பின்னர் குருத்தோலை ஞாயிறு ஆராதனை நடைபெற்றது. இதில் திருச்சபை மக்கள் திரளாக கலந்து கொண்டனர்.

குருத்தோலை ஞாயிறையொட்டி  நாசரேத் தூய யோவான் பேராலயத்தில் குருத்தோலை பவனி நடந்தது. தலைமைகுரு ஹென்றி ஜீவானந்தம் தலைமை வகித்து ஜெபித்து பவனியை துவக்கி வைத்தார்.  உதவிகுரு.பொன்செல்வின் அசோக்குமார்., சபை ஊழியர்கள் ஜெபராஜ் சாமுவேல்,   ஜெசு மற்றும் பாடகர் பாடகர் குழுவினர், சபையார்  குருத்தோலைகளை பிடித்துக் கொண்டு ஓசன்னா, ஓசன்னா என பாடிக் கொண்டு ஊர்வலமாக சென்றனர். இதையடுத்து   ஆலயத்தில் பரிசுத்த நற்கருணை ஆராதனை நடந்தது. நாசரேத் அருகே உள்ள பிரகாசபுரம் பரிசுத்த பரலோக அன்னை ஆலயத்தில் குருத்தோலை பவனி பங்குத்தந்தை சலேட் ஜெரால்ட் தலைமையில் நடந்தது.  இதையடுத்து ஆலயத்தில் குருத்தோலை ஞாயிறு சிறப்பு திருப்பலி நடந்தது.