ரயில்வேயில் 6,777 அப்ரன்டிஸ் காலிப்பணியிடங்கள்: ஐடிஐ / பிளஸ் 2 படித்தவர்களுக்கு அரிய வாய்ப்பு!

வடகிழக்கு எல்லைப்புற ரயில்வே (NFR) காலியாக உள்ள 6,777 அப்ரன்டிஸ் பணியிடங்களை நிரப்புவதற்கான வேலைவாய்ப்பு அறிவிப்பை வெளியிட்டுள்ளது.

மொத்த காலியிடங்கள்: 6,777

வயது வரம்பு: 19.08.2026 தேதியின்படி 15 முதல் 24 வயதிற்குள் இருக்க வேண்டும். (எஸ்சி/எஸ்டி/ஒபிசி/மாற்றுத்திறனாளிகளுக்கு அரசின் விதிமுறைப்படி அதிகபட்ச வயது வரம்பில் தளர்வு உண்டு).

விண்ணப்பக் கட்டணம்: ரூ. 100/- (ஆன்லைனில் செலுத்த வேண்டும்).

(குறிப்பு: எஸ்சி / எஸ்டி / மாற்றுத்திறனாளிகள் மற்றும் பெண் விண்ணப்பதாரர்களுக்குக் கட்டண விலக்கு அளிக்கப்பட்டுள்ளது).

கல்வித் தகுதி:

ஐடிஐ பிரிவுகளுக்கு: 10-ஆம் வகுப்பில் குறைந்தபட்சம் 50% மதிப்பெண்களுடன் தேர்ச்சி பெற்று, சம்பந்தப்பட்ட பிரிவில் NCVT சான்றிதழுடன் ITI படிப்பை முடித்திருக்க வேண்டும்.

மெடிக்கல் லேப் டெக்னீசியன் (பேத்தாலஜி / ரேடியாலஜி): உயிரியல் (Biology) பாடப்பிரிவை முதன்மையாகக் கொண்டு +2 (12-ஆம் வகுப்பு) தேர்ச்சி பெற்றிருக்க வேண்டும்.

(சிறப்பு நிபந்தனை: கூடுதல் கல்வித்தகுதி பெற்றவர்கள், ஏற்கனவே அப்ரன்டிஸ் பயிற்சி பெற்றவர்கள் மற்றும் பணி அனுபவம் உள்ளவர்கள் விண்ணப்பிக்கத் தேவையில்லை).

பயிற்சியளிக்கப்படும் தொழிற்பிரிவுகள் (Trades):

பிட்டர், எலக்ட்ரீசியன், வயர்மேன், வெல்டர் (கேஸ் & எலக்ட்ரிக்), மிஷினிஸ்ட், டர்னர், கார்பென்டர், பிளம்பர், மேசன், மெக்கானிக் டீசல், ஏசி & ரெப்ரிஜிரேஷன் மெக்கானிக், எலக்ட்ரானிக்ஸ் மெக்கானிக், COP-A, சர்வேயர், டிராப்ட்ஸ்மேன் (சிவில்), சிஎன்ஆர் புரோகிராமர், செக்ரட்டரியல் அசிஸ்டென்ட், ஹெல்த் சேனிட்டரி இன்ஸ்பெக்டர், மெடிக்கல் லேப் டெக்னீசியன், ஸ்ட்ரக்சுரல் வெல்டர், டிக்/மிக் வெல்டர் மற்றும் குவாலிட்டி அஷ்யூரன்ஸ் அசிஸ்டென்ட்.

தேர்வு செய்யப்படும் முறை:

10-ஆம் வகுப்பு மற்றும் ஐடிஐ படிப்பில் பெற்ற மதிப்பெண்கள் அடிப்படையில் (மெடிக்கல் லேப் டெக்னீசியன் பிரிவுக்கு +2 மதிப்பெண் அடிப்படையில்) விண்ணப்பதாரர்கள் தேர்வு செய்யப்படுவர்.

தேர்வு செய்யப்படும் நபர்களுக்கு நேர்முகத் தேர்வு நடத்தப்பட்டு 1 வருடம் பயிற்சி அளிக்கப்படும். பயிற்சியின் போது ரயில்வே விதிகளின்படி மாதாந்திர உதவித்தொகை (Stipend) வழங்கப்படும்.

விண்ணப்பிக்கும் முறை & கடைசி நாள்:

விண்ணப்பதாரர்கள் முதலில் www.apprenticeshipindia.gov.in என்ற இணையதளத்தில் பதிவு செய்ய வேண்டும்.

அதன்பின்னர் www.nfr.indianrailways.gov.in என்ற அதிகாரப்பூர்வ இணையதளம் வழியாக ஆன்லைனில் விண்ணப்பிக்க வேண்டும்.

ஆன்லைனில் விண்ணப்பிக்கக் கடைசி நாள்: 19.08.2026.