டி20 உலகக் கோப்பை: நமீபியாவை வீழ்த்தி சூப்பர்-8 சுற்றுக்கு முன்னேறியது பாகிஸ்தான்!

» செய்திகள் - விளையாட்டு » விளையாட்டு

டி20 உலகக் கோப்பை: நமீபியாவை வீழ்த்தி சூப்பர்-8 சுற்றுக்கு முன்னேறியது பாகிஸ்தான்!

வியாழன் 19, பிப்ரவரி 2026 8:08:40 AM (IST)

டி20 உலகக் கோப்பை 2026 கிரிக்கெட் தொடரில், நமீபிய அணியை 102 ரன்கள் வித்தியாசத்தில் வீழ்த்திய பாகிஸ்தான் அணி அதிகாரப்பூர்வமாக சூப்பர்-8 சுற்றுக்குள் நுழைந்தது.

முதலில் பேட்டிங் செய்த பாகிஸ்தான் அணி 20 ஓவர் முடிவில் 3 விக்கெட் இழப்பிற்கு 199 ரன்கள் குவித்தது. தொடக்க வீரர் சஹிப்சதா பர்ஹான் தனது முதல் சர்வதேச டி20 சதத்தை விளாசினார். அவர் 58 பந்துகளில் 100 ரன்கள் (11 பவுண்டரி, 4 சிக்சர்) எடுத்து ஆட்டமிழக்காமல் இருந்தார். ஷதாப் கான் 36 ரன்கள் எடுத்தார்.

200 ரன்கள் என்ற இலக்கை நோக்கி ஆடிய நமீபியா, பாகிஸ்தானின் பந்துவீச்சை சமாளிக்க முடியாமல் 17.3 ஓவர்களில் 97 ரன்களுக்குச் சுருண்டது. பாகிஸ்தான் தரப்பில் உஸ்மான் தாரிக் 4 விக்கெட்டுகளையும், ஷதாப் கான் 3 விக்கெட்டுகளையும் வீழ்த்தினர். தொடர்ச்சியாக 4-வது தோல்வியைத் தழுவிய நமீபியா தொடரிலிருந்து வெளியேறியது. தனது பிரிவில் 2-வது இடத்தைப் பிடித்த பாகிஸ்தான், சூப்பர்-8 சுற்றின் முதல் போட்டியில் வரும் 21-ம் தேதி நியூசிலாந்தை எதிர்கொள்கிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: