இந்தியாவுக்கு எதிரான ஒருநாள் போட்டி தொடர்: ஆஸி கேப்டனாக ஸ்டீவ் ஸ்மித் நியமனம்!

இந்தியாவுக்கு எதிரான ஒருநாள் கிரிக்கெட் போட்டி தொடரில் ஆஸ்திரேலிய அணியின் கேப்டனாக ஸ்டீவ் ஸ்மித் நியமிக்கப்பட்டுள்ளார். 

ஆஸ்திரேலிய கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இருஅணிகள் இடையிலான 4 டெஸ்ட் போட்டிகள் கொண்ட பார்டர்-கவாஸ்கர் டிராபி தொடரை இந்தியஅணி 2-1 என்ற கணக்கில் வென்றது. டெஸ்ட் தொடரை தொடர்ந்து இரு அணிகளும் 3 ஆட்டங்கள் கொண்ட ஒருநாள் கிரிக்கெட் போட்டித் தொடரில் மோதுகின்றன. இதன் முதல் ஆட்டம் வரும் 17-ம் தேதி மும்பை வான்கடே மைதானத்தில் நடைபெறுகிறது.

2-வது ஆட்டம் 19-ம் தேதி விசாகப்பட்டினத்திலும், கடைசி மற்றும் 3-வது ஆட்டம் 22-ம் தேதிசென்னை சேப்பாக்கம் எம்.ஏ.சிதம்பரம் மைதானத்திலும் நடைபெற உள்ளது. இந்நிலையில் இந்த தொடருக்கான ஆஸ்திரேலிய அணி நேற்று அறிவிக்கப்பட்டது. கடந்த வாரம் தனது தாய் இறந்ததை தொடர்ந்து பாட் கம்மின்ஸ் சிட்னியிலேயே தங்கி உள்ளதால் இந்தியாவுக்கு எதிரான ஒருநாள் கிரிக்கெட் போட்டித் தொடருக்கு ஸ்டீவ்ஸ்மித் கேப்டனாக நியமிக்கப்பட்டுள்ளார். நட்சத்திர வீரரான டேவிட் வார்னரும் அணிக்கு திரும்பி உள்ளார்.